قازاقستان رەسپۋبليكاسىنىڭ ۇلتتىق بانكى 2017 جىلعى 22 قاراشادان باستاپ، 2017 جىلعى ۇلگىدەگى ديزاينى وزگەرتىلگەن نومينالدىق قۇنى 500 تەڭگەلىك بانكنوتتاردى اينالىسقا شىعارادى دەپ حابارلايدى Qamshy.kz اقپارات اگەنتتىگى.

بانكنوتتىڭ ديزاينى اينالىستاعى «قازاق ەلى» سەرياسىنىڭ اقشا بەلگىلەرىمەن ءبىرىڭعاي ستيلدە – بەت جاعىندا باسىم تۇردە تىگىنەن بەينەلەر، ال سىرت جاعىندا كولدەنەڭ تۇرىندە بەينەلەر ورىندالعان. باسىم ءتۇسى – كوگىلدىر-كوك. بانكنوتتىڭ ولشەمى – 130ح62 مم.

جاڭا بانكنوتتاردىڭ ديزاينىن ازىرلەۋدىڭ جانە دايىنداۋدىڭ اسا ۇزاق پروسەسس ەكەندىگىن اتاپ وتەمىز. وسىعان بايلانىستى 2017 جىلعى ۇلگىدەگى نومينالدىق قۇنى 500 (بەس ءجۇز) تەڭگەلىك بانكنوتتارداعى مەملەكەتتىك تىلدەگى جازۋلار بانكنوتتىڭ ديزاينىن ازىرلەۋ ساتىندە قولدانىستاعى، كيريلليساعا نەگىزدەلگەن الىپبيگە سايكەس ورىندالعان.

ۇلتتىق ۆاليۋتا – تەڭگە بانكنوتتارى مەن مونەتالارىنداعى جازۋلاردى وزگەرتۋ جۇمىسىن ۇلتتىق بانك «قازاق ءتىلى ءالىپبيىن كيريلليسادان لاتىن گرافيكاسىنا كوشىرۋ تۋرالى» قازاقستان رەسپۋبليكاسى پرەزيدەنتى ن. ءا. نازاربايەۆتىڭ 2017 جىلعى 26 قازانداعى № 569 جارلىعىنا سايكەس جۇرگىزەتىن بولادى.

بانكنوتتىڭ بەت جاعى

نەگىزگى بەينەلەر – بانكنوتتىڭ وڭ جاعىنداعى «قازاق ەلi» مونۋمەنتى جانە ورتاسىندا تومەنگى بولىكتە ۇشىپ بارا جاتقان كوگەرشىندەر. جوعارى بولىگىندە ورتاسىندا جانە سول جاعىنان قازاقستان رەسپۋبليكاسىنىڭ مەملەكەتتىك رامىزدەرى: مەملەكەتتىك ەلتاڭبا جانە مەملەكەتتىك تۋ بەينەلەنگەن. سول جاقتا تومەندە جانە جوعارى جاقتا نومينالدىڭ سيفرلىق بەينەلەنۋى، سول جاقتا ورتاسىندا نومينالدىڭ مەملەكەتتىك تىلدەگى ارىپتىك بەينەلەنۋى ورنالاسقان. جوعارى سول جاق بۇرىشىندا «قازاقستان ۇلتتىق بانكى» دەگەن جازبا، ونىڭ استىندا قولدان جاساعانى ءۇشىن جاۋاپكەرشىلىك تۋرالى ەسكەرتەتىن «بانكنوتتاردى قولدان جاساۋ زاڭمەن قۋدالانادى» دەگەن مەملەكەتتىك تىلدەگى جازبا ورنالاسقان. بانكنوتتىڭ سىرت جاعى نەگىزگى بەينەسى – كاسپيي تەڭىزى، ونىڭ ارتىندا – قازاقستان كارتاسىنىڭ بەينەسى. سول جاعىندا تومەندە جانە وڭ جاعىندا جوعارىدا بانكنوت نومينالىنىڭ سيفرلىق بەينەلەنۋى، ال تومەندە ورتاسىندا – ورىس تىلىندەگى ارىپتىك بەينەلەنۋى ورنالاسقان. «پوددەلكا بانكنوت پرەسلەدۋەتسيا پو زاكونۋ» دەگەن جازبا بانكنوتتىڭ سول جاق بۇرىشىندا ورنالاسقان.

2006 جىلعى ۇلگىدەگى جانە 2017 جىلعى ۇلگىدەگى نومينالى 500 تەڭگەلىك بانكنوتتاردىڭ قاتار قولدانىلۋ كەزەڭى 2017 جىلعى 22 قاراشا – 2020 جىلعى 10 ماۋسىم بولىپ بەلگىلەندى جانە «2006 جىلعى ۇلگىدەگى جانە 2017 جىلعى ۇلگىدەگى نومينالى 500 تەڭگەلىك بانكنوتتاردىڭ قاتار اينالىستا بولۋ كەزەڭىن بەلگىلەۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2017 جىلعى 2 قاراشاداعى № 207 قاۋلىسىنا سايكەس جۇزەگە اسىرىلادى.

 2006 جىلعى ۇلگىدەگى جانە 2017 جىلعى ۇلگىدەگى نومينالى 500 تەڭگەلىك بانكنوتتار قاتار اينالىستا بولۋ كەزەڭىندە قازاقستان رەسپۋبليكاسىنىڭ بۇكىل اۋماعىندا زاڭدى تولەم قۇرالى بولىپ تابىلادى جانە تولەمدەر مەن اقشا اۋدارىمدارىنىڭ بارلىق تۇرلەرى بويىنشا قابىلدانۋعا مىندەتتى.

قازاقستان رەسپۋبليكاسىنىڭ ۇلتتىق بانكى زاڭدى تولەم قۇرالى بولىپ تابىلاتىن بانكنوتتار مەن مونەتالاردى قابىلداۋدان باس تارتۋ، اكىمشىلىك قۇقىق بۇزۋشىلىقتار تۋرالى قازاقستان رەسپۋبليكاسىنىڭ كودەكسىنە سايكەس اكىمشىلىك قۇقىق بۇزۋشىلىق بولىپ تابىلاتىنىن ەسكە سالادى.