Reuters اقپارات اگەنتتىگى زيمبابۆە پرەزيدەنتى روبەرت مۋگابەنىڭ وتستاۆكاعا كەتكەنىن حابارلادى. مۋگابە ءوز حاتىندا «شەشىمدى ەرىكتى تۇردە قابىلداعانىن، بيلىكتى بەيبىت جولمەن تاپسىرۋعا دايىن ەكەنىن» ايتقان،- دەپ جازادى Qamshy.kz اقپارات اگەنتتىگى.

پرەزيدەنت بيلىكتەن كەتكەن سوڭ ەل استاناسى حارارەدە حالىق كوشەگە شىعىپ، تويلاي باستاعان.

15 قاراشادا زيمبابۆەدە اسكەريلەر توڭكەرىس جاساپ، بيلىكتى باسىپ العان. ال 19 قاراشادا "زيمبابۆەنىڭ افريكالىق ۇلتتىق وداعى – پاتريوتتىق مايدان" پارتياسى مۋگابەنى پارتيا باسشىلىعىنان الىپ، بيلىكتەن كەتپەسە يمپيچمەنت جاريالايتىنىن مالىمدەگەن. وسى كۇنى مۋگابە ەلدەگى CNN ارناسىنىڭ ەفيرىندە سويلەگەن سوزىندە «بيلىكتەن كەتپەيتىنىن» ايتقان ەدى.

93 جاستاعى روبەرت مۋگابە زيمبابۆە ۇلىبريتانيادان تاۋەلسىزدىك العان 1980 جىلدان بەرى بيلىكتە وتىرعان.