تانىمال پروديۋسەر، تەلەجۇرگىزۋشى، اكتريسا بايان ەسەنتايەۆا 1974 جىلى ورال قالاسىندا 9 قاڭتاردا دۇنيەگە كەلگەن. كىشكەنتاي كۇنىنەن اكتريسا بولۋدى ارمانداعان، الايدا اناسى وعان قارسى بولادى. اناسى باياننىڭ ءمۇعالىم بولعانىن قالايدى. بايان اتا-اناسىنىڭ قالاۋىمەن مۇعالىمدىك وقۋعا تۇسەدى. ءبىراق، ءۇش جىلدان سوڭ اتا-اناسىنا ايتپاي، قۇجاتتارىن الىپ، تەاتر ينستيتۋتىنىڭ كينو فاكۋلتەتىنە تۇسەدى. اتا-اناسىنا بۇل شىندىقتى جارتى جىلدان سوڭ ايتادى. بايان ەسەنتايەۆانى تەاتر ينستيتۋتىندا وقىپ جۇرگەن كەزدىڭ وزىندە «ماحاببات ستانسياسى» اتتى فيلمگە باستى رولدە ويناۋعا شاقىرادى. فيلم 1993 جىلى جارىق كورەدى. سول كەزدە 18 جاسار باياندى بۇكىل قازاقستان تانيدى.
اكتريسا بولۋ ارمانى ورىندالعان بايان ماقسات قىزى ءوزىن جۋرناليستيكا سالاسىندا سىناپ كورمەكشى بولىپ، قازۇۋ جۋرناليستيكا فاكۋلتەتىنە تۇسەدى. جەتى جىل جۋرناليست بولىپ جۇمىس اتقارادى. سونىمەن قاتار، ءوزىن ءانشى رەتىندە دە سىناپ كورگەن. «ازيا داۋسى»، «جاس قانات» سەكىلدى بايقاۋلارعا قاتىسقان. ءقازىر بايان ەسەنتايەۆا — اتاقتى پروديۋسەر. «Kesh You»، «لاشىن»، جانار دۇعالوۆا سىندى تانىمال جوبالارى بار. سونداي-اق، «عاشىق جۇرەك»، «عاشىق جۇرەك-2″ «وستوروجنو، كوروۆا!» كينولارىنىڭ دا پروديۋسەرى.
ءبىز دە جان-جاقتى تالانتتى بايان ماقساتقىزىن بۇگىنگى تۋعان كۇنىمەن قۇتتىقتايمىز. شىعارماشىلىق تابىستار مەن مول باقىت تىلەيمىز!
وسى ورايدا Baistars سايتى بايان ەسەنتايەۆا تۋرالى قىزىقتى 7 دەرەكتى ۇسىنادى:
1. ەڭ العاشقى تۇسىرگەن بەينەبايانى — «ازبۋكا ليۋبۆي». بايان العاشىندا ءان ايتىپ ، «ازيا داۋسى»، «جاس قانات» بايقاۋلارىندا باعىن سىناپ كورگەن. الايدا ەڭ العاشقى بەينەبايانىن 2009 جىلى «Lafala» توبىمەن «ازبۋكا ليۋبۆي» انىنە تۇسىرگەن.
2. تەلەارناداعى قىزمەتىن «تان» ارناسىنان باستاعان. العاشقى جۇرگىزگەن باعدارلاماسى — «جەلتىي سالون». «تان» ارناسىنا جۇمىسقا قابىلدانعانعا دەيىن بىرنەشە جەردە جۇمىس ىستەگەن. 2008 جىلى «تان» ارناسىنا جۇمىسقا قابىلدانىپ، ەڭ العاش ءوزىن تەلەجۇرگىزۋشى رەتىندە «جەلتىي سالون» باعدارلاماسىندا سىناعان.
3. تۋعان جەرى ورالدان الماتىعا كەتۋىنە جاۋاپسىز ماحاببات سەبەپكەر بولعان. ورالدا جۇرگەندە ءبىر جىگىتكە قاتتى عاشىق بولعان. الايدا جاۋاپسىز ماحابباتتىڭ اسەرىنەن الماتىعا كەتۋگە ناقتى بەل بۋعان.
4. ۋنيۆەرسيتەتتەن 3 رەت شىعارىپ جىبەرگەن. وقىپ جۇرگەندە باسقا قىزداردىڭ تاراپىنان كوپتەگەن كەرى اسەرلەر تيگەن. وسىنىڭ سالدارىنان 3 رەت وقۋ ورنىنان شىعارىلعان. كەيىننەن قايتا قابىلدانعان.
5. بايانعا ءسىڭلىسى باعىم مۋحيتدەنوۆا پروديۋسەر بولۋدى ۇسىنباعاندا، انشىلىگىن جالعاستىرۋى مۇمكىن ەدى. ەڭ العاش ءسىڭلىسىنىڭ ۇسىنىسىنا بايان ءمان بەرمەگەن. ەكىنشى رەت ايتقاندا، ويلانىپ، ەگەر 1 كۇن ىشىندە قاراجات تاپسا، پروديۋسەرلىكتى قولعا الاتىنىن ايتقان جانە كەرەكتى اقشانى سول كۇندە تاۋىپ، جاڭا ءىستى قولعا العان. ءقازىر تانىمال پروديۋسەر.
6. جارىن اناسى تاڭداپتى. اناسى ءبىرىنشى كورگەن كەزدەن قىزىنا لايىقتى ەكەنىن تۇسىنگەن. بايان اناسىنىڭ تاڭداۋىنا قارسىلىق كورسەتپەي، كەلىسكەن. قازىرگى تاڭدا 2 قىز تاربيەلەپ وتىرعان اياۋلى انا، سۇيىكتى جار.
7. پروديۋسەر رەتىندە تەك قىزدارمەن جۇمىس ىستەيدى. پروديۋسەرلىكتى قولعا العالى بەرى تەك قىزدارمەن جۇمىس جاسايدى. سەبەبى، ۇلداردان ءالى كۇنگە دەيىن ويىنان شىعاتىن جىگىت كەزدەستىرمەگەن. ەگەر ناعىز تالانتتى تاپسا، جۇمىس جاسايدى.
