«قازاقستاندا تۇرىپ، قازاق ءتىلىن، ونىڭ ءداستۇرىن بىلمەۋ مەن ءۇشىن ۇلكەن سىن» دەگەن ۇرانمەن ءومىر سۇرگەن تەكەلى قالاسىنىڭ تۇرعىنى ولەگ كالينوۆسكيي پورتالىمىزعا ارنايى سۇحباتىن بەردى. ايتا كەتەرلىك، وسىعان دەيىن ول قازاق كۇيىن ۆيدەوعا ءتۇسىرىپ “Youtube” جەلىسىنە جۇكتەپ جۇرگەن-دى. از عانا ۋاقىتتىڭ ىشىندە «رۋسسكيي دومبريست» اتانعان ولەگتى ءقازىر ءبىراز جۇرت تانىپ ۇلگەردى. ولەگ بۇگىنگى كۇندە شەتەلدە وقىپ جاتقاندىقتان، الەۋمەتتىك جەلى ارقىلى سۇحباتتاسۋعا عانا مۇمكىندىك بولدى. ول سۇحباتىندا ءوزى جايلى ءبىراز مالىمەتتەر بەرىپ، قازاق حالقىنىڭ سالت-داستۇرىنە جاقىندىعىن ايتتى.
(ولەگ «حالىقارالىق تۇرىك ءتىلى بايقاۋىنىڭ» ءان باعىتى بويىنشا «التىن مەدال يەگەرى» جۇماحان اسىلوۆپەن بىرگە)
– سەنىڭ دومبىراعا دەگەن قۇشتارلىعىڭدى ءار قازاقتىڭ بالاسى جوعارى باعالايدى دەپ ويلايمىز. بىزدە ۇلتتىق اسپاپتا ويناعاندى قويىپ، ءوز تىلىندە ەركىن سويلەي المايتىن ازاماتتار كوپ. ۇلتىڭ وزگە بولا تۇرا قازاقتىڭ ونەرىنە جاقىن بولۋىڭا نە سەبەپ بولدى؟
– مەن 7 سىنىپتان باستاپ ورتا مەكتەپتى بىتىرگەنشە تالدىقورعانداعى قازاق-تۇرىك جاسوسپىرىمدەر ليسەيىندە وقىدىم. ول جەردە جاتاقحانادا جاتاتىنبىز. ليسەيدە كوپ ۇلت وكىلدەرى وقيتىن. ءبىراق، نەگىزىنەن قازاق وقۋشىلارىنىڭ سانى باسىم بولدى. ءبىزدىڭ سىنىپتا دا ءدال سولاي بولاتىن. 7 سىنىپتا قازاقشا بىلمەي كەلگەن ەدىم. 5 جىلدىڭ ىشىندە ەركىن سويلەي الاتىن دەڭگەيگە جەتتىم. قازاق دوستارىممەن جاقىن ارالاسىپ، قازاقتىڭ داستۇرىمەن جاقسى تانىستىم. ال دومبىراعا دەگەن قىزىعۋشىلىعىم العاش رەت دومبىرانىڭ دىبىسىن ەستىپ، ءوز كوزىممەن كورگەندە پايدا بولدى. جانىما جاقىن بولىپ سەزىلدى. سودان بەرى دومبىرامەن كۇي شەرتىپ، ءتىپتى كەيىنگى كەزدەرى دومبىرامەن ءان ايتاتىن بولدىم.
https://www.youtube.com/watch؟v=i2z79rpEGoA– قازاقتىڭ قارا دومبىراسىن قانشا ۋاقىتتا يگەرىپ ۇلگەردىڭ؟ وسى دومبىراڭمەن قانداي جەتىستىكتەرگە جەتتىڭ؟
– 9 سىنىپتان باستاپ ۇيرەنە باستادىم. ءبىر جىلدىڭ ىشىندە ەركىن يگەردىم دەسەم ارتىق بولماس. 10 سىنىپ بىتىرگەن جىلى «حالىقارالىق تۇرىك ءتىلى فەستيۆالىنە» دۇنيە وركەسترىندە دومبىرا شەرتتىم. «جارقىن بولاشاق» اتتى رەسپۋبليكالىق بايقاۋدا دومبىرامەن قازاقشا ءان ايتىپ، وبلىستىق دەڭگەيدە 1ء-شى ورىن الدىم، رەسپۋبليكالىق دەڭگەيگە ءوتتىم.
– جالپى قازاقتىڭ ءسالت-داستۇرىن قالاي باعالايسىڭ؟ دومبىرادان باسقا قازاقى اسپاپتا ويناي بىلەسىڭ بە نەمەسە تاعى قانداي قازاقى ونەرگە جاقىنسىڭ؟
– وتە جوعارى باعالايمىن. قازاقتىڭ ۇلتتىق قۇندىلىقتارى ۇشان-تەڭىز. مەن قازىرگە تەك دومبىرا مەن ۇلتتىق تاعامدارىمەن عانا جاقىنمىن.
https://www.youtube.com/watch؟v=rv-9bIstqkA– جاڭا ءقازاق-تۇرىڭ ليسەيىندە وقىدىم دەدىڭ. ورتا مەكتەپ دەڭگەيى عوي. جوعارى ءبىلىمدى قايدا جالعاستىرماق ويىڭ بار؟ قانداي مامان يەسى اتانعىڭ كەلەدى؟
– مەن ورتا ءبىلىمدى 2014 جىلى اياقتادىم. ءقازىر رەسەيدىڭ تومسك قالاسىنداعى تۋسۋر ۋنيۆەرسيتەتىندە وقيمىن. ماماندىعىم - «ونەركاسىپتىك ەلەكترونيكا».
– بولاشاققا قانداي جوسپارلارىڭ بار؟ دومبىرامەن ءالى تالاي بيىكتەردەن كورىنگىڭ كەلە مە؟ الدە بۇل ونەرىڭدى جاي حوببي رەتىندە عانا ۇستاماق ويىڭ بار ما؟
– قازىرگە ەڭ ۇلكەن ماقساتىم – وقۋىمدى ۇزدىك ءبىتىرۋ عانا. سەبەبى، مۇندا وقۋ قيىن. بوس ۋاقىت از بولادى. كۇندىز-تۇنى وقۋعا تۋرا كەلەدى. دەگەنمەن، اندا-ساندا باسىمدى دەمالتۋ ءۇشىن دومبىرا شەرتىپ قويامىن. جوعارى وقۋ ورنىنا تۇسكەلى، وكىنىشكە وراي، حوببي رەتىندە عانا قالىپ قويدى.
– قازاق ۇلتىنا سونشالىقتى جاقىن ەكەنىڭدى بايقاپ وتىرمىز. «بولاشاق جارىم قازاق قىزى بولادى-اۋ» دەگەن ويىڭ بولدى ما؟
– جو-جوق. بولاشاق جار تۋرالى ءالى ويلانعان جوقپىن. ءبىراق ونى قۇداي بىلەدى(كۇلدى).
(ولەگ وتباسىمەن بىرگە)
سۇحباتتاسقان: تۇران مۇرال
