ماجىلىستە وتكەن ۇكىمەت ساعاتىندا دەپۋتاتتار الدىندا ءسوز سويلەپ، ارتىستەرگە بەرىلەتىن اتاقتىڭ ساتىلانۋىن قايتارۋ جونىندە ۇسىنىس جاساعان مادەنيەت جانە سپورت ءمينيسترى ارىستانبەك مۇحامەدي ۇلىنىڭ ءسوزى كوپشىلىك اراسىندا قىزۋ تالقىعا تۇسكەن بولاتىن، دەپ Qamshy.kz اقپارات اگەنتتىگى جازادى.
وسى ورايدا، «استانا ميۋزيكل» تەاترىنىڭ ۇجىمى ءمينيستردىڭ مالىمدەمەسىنە قاتىستى پىكىر ءبىلدىردى.
«وتكەن اپتادان باستاپ مادەنيەت پەن ونەر سالاسىنا جاقىندار پارلامەنتتەگى مادەنيەت جانە سپورت ءمينيسترىنىڭ سويلەگەن سوزدەرىن تالقىلاۋدا. وسى ماسەلەگە قاتىستى پىكىرىمىزدى ءبىز، «استانا ميۋزيكل» تەاترىنىڭ ارتىستەرى ەۋروپانىڭ تورىنەن جازىپ وتىرمىز.
ءبىز مادەنيەت جانە سپورت مينيسترلىگى جۇزەگە اسىرىپ وتىرعان «رۋحاني جاڭعىرۋ» باعدارلاماسى اياسىندا قازاق مادەنيەتى مەن ونەرىن ەۋروپالىقتارعا پاش ەتۋدەمىز. ەۋروپانىڭ مادەني استاناسى پاريج قالاسىنىڭ «Le Trianon»، «Varietes» سياقتى الەمگە ايگىلى ساحنالارىندا ونەرىمىزدى كورسەتتىك. ەۋروپانىڭ جۇرەگى سانالاتىن بريۋسسەل قالاسىندا تالعامپاز بەلگيا كورەرمەندەرىن تۇڭعىش رەت قازاقتىڭ تەاتر ونەرىمەن تانىستىردىق.
— قامشى اا (@qamshy) December 11، 2017
ايتايىن دەگەنىمىز - ءبىز سەكىلدى شىعارماشىل جاستارعا وسىنداي دەڭگەيدەگى مۇمكىندىك قاشان بەرىلىپ ەدى؟! مادەنيەتكە دەگەن جاڭاشىرلىق وسى ەمەس پە؟ ءمينيستردىڭ ءسوزى اياعىنا دەيىن تىڭدالماي، ءمانى مەن ماعىناسىن وزگەرتىلىپ تالقىلانىپ جاتقاندىعى بارىمىزگە ايان» - دەلىنگەن حاتتا.
مادەنيەت پەن ونەر سالاسىنىڭ ەڭبەكاقىسى تۋرالى ماسەلە كوتەرىلگەن ەكەن. مينيستر ارىستانبەك مۇxامەدي ۇلىنىڭ ءبىزدىڭ تەك جاستاردان قۇرالعان «استانا ميۋزيكل» تەاترىنىڭ ەڭبەكاقى ماسەلەسىن ناقتى ءبىزدىڭ پايدامىزعا شەشىپ بەرگەنىن اشىپ ايتقىمىز كەلەدى. كوزى قاراقتى وقىرمانعا بەلگىلى جايت. 2016 جىلدىڭ 1 قاڭتارىنان باستاپ جاڭا «ەڭبەك كودەكسى» زاڭدى كۇشىنە ەنگەن ەدى. «استانا ميۋزيكل» سول جاڭا «ەڭبەك تۋرالى زاڭ» قابىلدانعاننان كەيىن قۇرىلعانى - تەاترىمىزدىڭ وتە تومەن دەڭگەيدە ەڭبەكاقى الۋىنا سوقتىردى. تەاترعا «رەسپۋبليكالىق» ستاتۋس بەرگىزىپ، 2018 جىلدىڭ 1 قاڭتارىنان باستاپ ەڭبەكاقى دەڭگەيىن كوتەرىپ بەردى. تەاتر ارتىستەرىمەن كەزدەسكەن كەزدە، مينيستر جاستاردىڭ جان ايقايى مەن ءوتىنىشىن جازباشا قابىلداپ، ادىلەت مينيسترلىگى مەن ەڭبەك جانە xالىقتى الەۋمەتتىك قورعاۋ مينيسترلىگىنە تەاترىمىزدىڭ وزەكتى ماسەلەسىن شەشۋگە تىكەلەي ءوزى ات سالىستى. كەيىن رەسپۋبليكالىق بيۋدجەتتىك كوميسسيا وتىرىسىندا قورعاپ شىقتى. ەندەشە، مادەنيەت ءمينيسترىنىڭ ونەر ادامدارىن قولداۋى ناقتى ىستەرمەن دالەلدەنىپ جاتقاندىعى ماڭىزدى ەكەندىگىن ايتقىمىز كەلەدى.
ەڭبەكاقى ماسەلەسىن بىلاي قويعاندا، كاسىبي مۋزىكانت رەتىندە «قىزجىبەك» وپەراسىنىڭ سيمفونيالىق وركەستردەن ەتنو-فولكلورىق انسامبلگە لايىقتاپ جازىپ، ءوزىنىڭ ۇلتتىق مۋزىكالىق باستاۋىنا قايتادان ورالتىپ، ناتيجەسىندە ەتنو-فولكلورلىق مۋزىكالىق قويىلىمىنىڭ دۇنيەگە كەلۋىنە ۇيىتقى بولىپ، كاسىبي اقىل-كەڭەس بەرگەنىن ايتپاي كەتە المايمىز.
قازاقستاننىڭ تەاتر الەمىندە تۇڭعىش رەت 2013 جىلى «ميۋزيكل ءارتىسى» ماماندىعىنىڭ اشىلۋىنا سەبەپكەر بولىپ، كەيىن مەملەكەتتىك دەڭگەيدە ميۋزيكل تەاترىنىڭ دۇنيەگە كەلۋىنە ەرەكشە ات سالىستى. كەزىندە ماسكەۋدەگى ششەپكين اتىنداعى تەاتر ۋچيليششەسىن اياقتاعان ونەرلى قىز-جىگىتتەردى ارقالىققا الىپ كەلىپ تەاتر اشتىرعان وزبەكالى جانىبەكوۆ بولسا، قازىرگى جاستاردىڭ سۇرانىسىنان تۋعان «استانا ميۋزيكل» تەاترىنىڭ قۇرىلۋىنا سەبەپكەر بولعان ءمينيسترىمىز ارىستانبەك مۇxامەدي ۇلى ەكەندىگى - شىندىق. بۇگىن بىزدەر اۆستريانىڭ ۆەنا قالاسىنداعى قازىرگى زامانعى ساxنا ونەرىنىڭ ورتالىعى ىسپەتتەس «Muth» تەاترىندا ونەر كورسەتەمىز. ايتايىن دەگەنىمىز قىسىر ءسوز بەن ءمىن تاعۋشىلىق ىندەتتەن ارىلاتىن ۋاقىت جەتتى. قازىرگى جاستار «سوزدەن» شارشادى. ءوز ءىسىنىڭ كاسىبي ماماندارى عانا سول سالانى كوركەيتەدى. قازىرگى مادەنيەت جانە سپورت ءمينيسترىن كاسىبي ونەردىڭ قىر-سىرىن مەڭگەرگەن جان رەتىندە قۇرمەتتەيمىز.
