اتموسفەرالىق فرونتتاردىڭ وتۋىنە بايلانىستى 12 جەلتوقسان كۇنى ەلىمىزدىڭ باسىم بولىگىندە جاۋىن-شاشىن (قار) جاۋادى. تەك وڭتۇستىكتە، وڭتۇستىك-شىعىستا، سولتۇستىكتە جانە سولتۇستىك-شىعىستا كۇن جاۋىن-شاشىنسىز وتەدى. كەي جەرلەردە تۇمان، كوكتايعاق، بۇرقاسىن جانە جەلدىڭ كۇشەيۋى كۇتىلەدى،  دەپ جازادى Qamshy.kz اقپارات اگەنتتىگى  «قازگيدرومەت» رمك-عا سىلتەمە جاساپ.

اتاپ ايتقاندا، وڭتۇستىك قازاقستان، قاراعاندى وبلىستارىنىڭ جەكەلەگەن جەرلەرىندە تۇمان، بۇرقاسىن، 15-20 م/س ەكپىندەگى جەل بولجانادى.

پاۆلودار، شىعىس قازاقستان وبلىستارىنىڭ كەي اۋماقتارىندا بۇرقاسىن سوعىپ، جەل 15-20 م/س كۇشەيەدى. الماتى وبلىسىنىڭ كەي جەرلەرىندە تۇندە تۇمان بولىپ، جالاڭاشكول اۋدانىندا جەلدىڭ جىلدامدىعى 15-20 م/س ارتادى. 

باتىس قازاقستان وبلىسىنىڭ كەي جەرلەرىندە تۇمان مەن كوكتايعاق كۇتىلەدى، جەلدىڭ ەكپىنى - 15-20 م/س. اقمولا وبلىسىنىڭ كەي اۋماقتارىندا تۇندە جانە تاڭەرتەڭ بۇرقاسىن بولادى.

جامبىل، قىزىلوردا، ماڭعىستاۋ، اتىراۋ، اقتوبە، قوستاناي، سولتۇستىك قازاقستان وبلىستارىنىڭ كەي جەرلەرىنە تۇمان تۇسەدى. اتىراۋ وبلىسىندا كوكتايعاق بولجانادى.