قازاقستاندا ۇلتتىق «.kz» جانە «.كاز» دومەندەرىنىڭ باعاسى قىمباتتادى، دەپ حابارلايدى Qamshy.kz اقپاراتتىق پورتالى.
دومەن قۇنى قازاقستاندىق ىت-كومپانيالار قاۋىمداستىعىنىڭ پرەزيدەنتى نۇرلان ءيسيننىڭ بۇيرىعى بويىنشا كوتىرىلىپ وتىر. ن.ءيسيننىڭ بۇيرىعىندا: «ينتەرنەتتىڭ قازاقستاندىق سەگمەنتىندەگى دومەندىك اتتى تىركەۋ (سۇيەمەلدەۋ) قۇنى مەن دومەندىك اتتاردى جىل بويىنا الىپ ءجۇرۋ باعاسىنىڭ اراسىنداعى ديسبالانستى جويۋ، دومەن اتتارىن ءبولىنىپ بەرىلگەن تىركەۋ جۇيەسىن ودان ارى دامىتۋدى قامتاماسىز ەتۋ جانە تىركەۋشىنىڭ جۇمىسىنىڭ اقتالۋى ماقساتىندا بۇيىرامىن: 2015 جىلدىڭ 15 قاڭتارىنان باستاپ دومەندىك اتتى سۇيەۋگە تىركەۋ قىزمەتىنىڭ تاريفتىك قۇنىن تۇركەۋشى ءۇشىن ت1820 مولشەرىندە؛ دومەندىك اتتاردى تىركەۋشىلەرمەن ەڭ تومەنگى تىركەۋ قۇنىن بولشەك ساۋدا ءۇشىن ت3 مىڭ دەڭگەيدە جانە كوتەرمە ساتىپ الۋشىلار ءۇشىن ت2800 مولشەرىندە انىقتالسىن؛ ققس تولەۋشىلەر بولىپ تابىلمايتىن تىركەۋشىلەر ءۇشىن قىزمەتتىڭ ەڭ تومەنگى قۇنىن بولشەك ساۋدادا ت3 مىڭ دەڭگەيىندە پليۋس 12% جانە كوتەرمە ساتىپ الۋشىلار ءۇشىن ت2800 پليۋس 12%» دەلىنگەن.
ونىڭ ايتۋىنشا سوڭعى كەزدەرى قازنەتتەگى ۇلتتىق دومەندى دامىتۋ ماقساتىندا ونىڭ باعاسى ارزانداتىلعان.
2014 جىلعا دەيىن ۇلتتىق دومەندەردى تىركەۋمەن 15 كومپانيا اينالىسقان. 2014 جىلدىڭ 23 جەلتوقسانىنا دەيىن 122 308 دومەن اتاۋى تىركەلگەن.
ءوز كەزەگىندە «ينتەرنەت-كومپانيا PS» ج ش س باس ديرەكتورى نيكيتا كراسۋلين «قازىرگى كەزدە كليەنتتەرگە «دومەندىك اتتاردى تىركەۋ جانە سۇيەمەلدەپ وتىرۋ» قىزمەتىنە كەتەتىن شىعىن ءبىزدىڭ كىرىسىمىزدەن ەداۋىر اسىپ كەتەدى» دەپ اتاپ كەتتى.
