الماتى وبلىسىندا جاس قىزداردى شەتەلدىك بوردەلدەر ءۇشىن جۇمىسقا تارتۋمەن اينالىسىپ جۇرگەن قىلمىستىق توپ ۇستالدى، دەپ حابارلادى وبلىستىق ءىىد باسپا ءسوز قىزمەتىنەن.

الماتى وبلىسىندا قىلمىستىق توپ جاس قىزداردى شەتەلدىك بوردەلدەردە اتتاندىرىپ وتىرعان

"ءىىد ۇقكب قىزمەتكەرلەرىنە كەلىپ تۇسكەن وپەراتيۆتىك مالىمەتتەر بويىنشا، وسى وڭىردە شەتەلدىك بوردەلدەرگە جىنىستىق پايدالانۋ ءۇشىن جاس ايەلدەردى ۇگىتتەۋمەن اينالسىپ جۇرگەن ۇيىمداسقان قىلمىستىق توپ بار ەكەنى انىقتالدى"، - دەلىنگەن بەيسەنبى كۇنگى حابارىندا. وبلىستىق پوليسيادان تۇسىندىرگەندەي، جاس ايەلدەردى ۋاعىزداۋ تالدىقورعاندا دا جانە بۇكىل وڭىردە جۇرگىزىلىپ وتىرعان. ىرىكتەلگەن ۇمىتكەرلەر اراسىندا كۇدىكتىلەر كوبىنە ءجۇزى اقتارعا، ەۋروپالىق ۇلت وكىلدەرىنە ەرەكشە ىقىلاس تانىتىپ وتىرعان. ونداي قىزداردى ىزدەستىرۋدە سەپتىگىن تيگىزىپ وتىرعان قوناق ۇيلەرىنىڭ، ساۋنا مەن مونشا كەشەندەرىنىڭ اكىمشىلدەرىنە كۇدىكتىلەر $300-400 تولەپ وتىرعان. پوليسەيلەر جۇرگىزگەن وپەراسيانىڭ سوڭعى كەزەڭىندە كۇدىكتىلەردى قىلمىس ورنىندا ۇستادى. ءقازىر ادام ساۋداسى جانە ترافيگى دەرەگىمەن ق ر قك 128 ب. 3 ت. بويىنشا قىلمىستىق ءوندىرىس قوزعالدى. قىلمىستىق ءىس ماتەريالدارىندا كۇدىكتىلەر رەتىندە جاستارى 29 بەن 43 ارالىعىنداعى وتانداستىرىمىز بار جانە ولاردىڭ ەكەۋى ۇستالدى. پوليسەيلەردىڭ ايتۋىنشا، زاڭسىز مامىلەلەردى قارجىلاندىرىپ وتىرعان ءۇشىنشى كۇدىكتى ازىرگە شەتەلدە ءجۇر.

KazTag اگەنتتىگى