قازاقستاننىڭ رەسەيدەگى ەلشىسى يمانعالي تاسماعامبەتوۆتى رەسەي سىرتقى ىستەر مينيسترلىگى ماراپاتتادى، دەپ حابارلادى Qamshy.kz اقپارات اگەنتتىگى رف ءسىم باسپا ءسوز قىزمەتىنە cىلتەمە جاساي وتىرىپ.
11 جەلتوقساندا رف ءسىم-نىڭ ورىنباسارى گريگوريي كاراسين يمانعالي تاسماعامبەتوۆپەن كەزدەسۋ بارىسىندا "حالىقارالىق ىنتىماقتاستىققا قوسقان ۇلەسى ءۇشىن" توسبەلگىسىمەن ماراپاتتادى.
«رەسەي فەدەراسياسى سىرتقى ىستەر ءمينيسترىنىڭ شەشىمىمەن ىنتىماقتاس قازاقستاننىڭ ەلشىسى ەكى ەل اراسىنداعى ستراتەگيالىق جانە وداقتىق قارىم-قاتىناستى دامىتۋعا قوسقان ۇلەسى، مادەني ديالوگتى كەڭەيتۋى، سونداي-اق ورتاق ينتەگراسيالىق بىرلەستىكتەر اياسىندا ءوزارا ىنتىماقتاستىعى ءۇشىن وسى توسبەلگىمەن ماراپاتتالادى»، — دەلىنگەن حابارلامادا.
ايتا كەتەتىن بولساق، 2017 جىلدىڭ 3 اقپانىندا يمانعالي تاسماعامبەتوۆ قازاقستاننىڭ رەسەي فەدەراسياسىنداعى توتەنشە ءارى وكىلەتتى ەلشىسى بولىپ تاعايىندالدى.
