جىل سايىن Cushman & Wakefield جۋرنالى الەمدەگى ەڭ باي كوشەلەردىڭ ءتىزىمىن انىقتايدى. وعان 65 مەملەكەتتىڭ استاناسى مەن ءىرى مەگوپوليس قالالار قاتىسادى ەكەن. سونىمەن بۇگىن ءبىز سىزدەرگە سول بايقاۋدىڭ قورتىندىسىن جاريا ەتپەكپىز.
2014 جىلدىڭ ەڭ باي كوشەسىن اتاعىن اقش-تاعى Upper 5th Avenue كوشەسى جەڭىپ الدى. سەبەبى بۇل كوشەنىڭ تۇرعىندارى پاتەردىڭ 1 شارشى مەترىنە 30 000 ەۆرو تولەيدى ەكەن.
ەكىنشى ورىندى گونكونگتىڭ Causeway Bay كوشەسى جەڭىپ الدى. بۇل كوشە بويىندا پاتەر جالداپ تۇراتىندار اي سايىن
24 000 ەۆرو تولەيدى. الايدا تۇرعىندار پاتەر باعاسى قىمبات دەپ قىمسىنباي، كەرىسىنشە قۋانىشتى. تۇرعىنداردىڭ ايتۋىنشا بۇل جەر گونكونگتىڭ ەڭ ءىرى ساۋدا ورىندارى جاقىن ەكەن.
جىل سايىن ءۇشىنشى ورىندى ءپاريجدىڭ Avenue des Champs-Élysées كوشەسى ۇستاپ تۇرعان كورىنەدى. مۇندا تۇرعىن ءۇيدىڭ 1 شارشى مەترىنە 13 000 ەۆرو تولەيدى ەكەن. ايتپاقشى اتالمىش كوشە فرانسۋز استاناسىنىڭ ورتالىق كوشەسى بولعاندىقتان ماڭايىندا بيزنەس ورتالىقتارى، ويىن-ساۋىقتىق مەكەمەلەر، سونداي-اق اۆياكومپانيالار بار ەكەن.
ءتورتىنشى ورىندى بريتاندىق New Bond Street الىپتى. كوشە اتاۋى وسى اۋداننىڭ نەگىزىن قالاعان بوندتىڭ قۇرمەتىنە قويىلعان ەكەن. ال وسى اۋلانىڭ تۇرعىندارى پاتەردىڭ ءاربىر شارشى مەترىنە 10 000 ەۆرو تولەيدى.
بەسىنشى ورىنعا سيدنەيدىڭ Pitt Street Mall كوشەسى تابان تىرەپتى. اتالمىش كوشەدە پاتەر جالداۋشىلار اپتا سايىن 450 دوللار تولەپ وتىرادى ەكەن.
اجار ساعاتبەكوۆا
دەرەككوز: "وزگەشە.kz"
