وقيعا باگام ارالدارىندا بولدى. جاس جۇپ وندا بالايىن وتكىزۋگە بارعان. وڭتۇستىك كارولينا تۇرعىنى ەۆان كەررولل اكۋلانىڭ ايەلىنە شابۋىلداعانىن كورگەن. بولعان جاعداي GoPro كامەراسىنا ءتۇسىپ قالعان. ونى ەر ادام وزىمەن سۋدىڭ استىنا الىپ تۇسكەن.

- قولىمنان بىرەۋ شاپ بەرىپ ۇستاعانداي سەزىلدى. مەن كۇيەۋىم مەنىمەن قالجىڭداسىپ قولىمنان ۇستادى دەپ ويلادىم، الايدا قولىمنىڭ اۋىرعانىن سەزدىم. كوزىلدىرىكتەن جانىمداعىلاردى كورە الماعاندىقتان باسىمدى بۇرىپ قاراپ ەدىم اكۋلانى كوردىم. ونىڭ بار نازارى مەنىڭ قولىمدا بولدى. ول مەننەن ۇلكەن ەدى، -دەيدى سارا يلليگ.

يلييگتىڭ قولى قاتتى جاراقاتتانباعان. ونى تىستەپ العان اكۋلانىڭ ءتۇرى اتلانت مۇحيتىندا جانە تىنىق مۇحيتىنىڭ شىعىس بولىگىندە 130 مەتر تەرەڭدىكتە ءومىر سۇرەدى. ولار ادام ءۇشىن ءقاۋىپسىز بولىپ ەسەپتەلەدى. شابۋىلداعان جاعدايلار كوبىنە جۇزۋشىلەردىڭ كىناسىنان بولادى.

قىزدىڭ ايتۋىنشا، اكۋلانى ەشكىم مازالامادى.