قىتايلىق ۇيالى تەلەفون وندىرۋشىلەر جاڭادان Xiaomi سمارتفونىن نارىققا شىعاردى. پەكيندە شىعاتىن Mi Note جانە Mi Note Pro تەلەفوندارى Apple كومپانياسىنىڭ جاڭا ءونىمى iPhone التىعا باسەكەلەس بولادى دەپ كۇتىلۋدە.

كومپانيا ديرەكتورى لەي سزيۋن Mi Note سمارتفونىن تانىستىرۋ كەزىندە iPhone 6 جانە iPhone 6 Plus سمارتفوندارىنا قاراعاندا جەڭىل ءارى ۇستاۋعا ىڭعايلى دەدى.

جاڭا تەلەفوننىڭ ەكرانىنىڭ دياگونالى 5،7 ديۋيم، قالىڭدىعى 6،95 مم، سالماعى 161 گرامم. ايفون 6 پليۋسپەن سالىستىرعاندا 1،05 ميليمەترگە جۇقا ءارى 11 گراممعا جەڭىل كورىنەدى.

Mi-Note تەلەفونىنىڭ ساقتاۋ سىيىمدىلىعى 16 گبايت، پروسەسسورى ءتورت يادرولى Snapdragon 801، جەدەل جادى 3 گبايت بولىپ جابدىقتالعان. ونىڭ قۇنى 2.299 يۋان تۇرادى. Iphone 6 Plus جانە Samsung Galaxy Note 4 سمارتفوندارىمەن سالىستىرعاندا ەكى ەسەگە ارزان. ەكى مودەلدە دە 13 مپ جانە 4 مەگاپيكسەلدى Sony كومپانياسى جاساعان ەكى كامەرا بار.

Mi Note نارىققا شىققان كۇننەن باستاپ جىلدام ءوتىپ جاتقان كورىنەدى. ال، MiNote Pro سمارتفونىن تولىق نۇسقاسىن تەك ناۋرىز ايىندا عانا ساتىپ الۋعا بولادى. ەكراننىڭ كولەمى 2560ح1440 (515 پيكسەل ديۋيم)، Mi Note Pro Snapdragon 810 پروسسسورى نەگىزىندە سەگىز يادرولى بولادى. جەدەل جادى 4 گب كوبەيتىلدى. ال ساقتاۋ سىيىمدىلىعى 64 گب.

"Xiaomi 2014 جىلى الەمدەگى ەڭ جىلدام تەلەفون وندىرەتىن كومپانيالاردىڭ ءبىرى بولدى. قازىرگى كەزدە كومپانيا باسەكەلەستەرىن نارىقتا باعا بويىنشا ۇتۋى مۇمكىن"، – دەيدى ساراپشىلار.

دەرەككوز: ب ا ق.kz