قىتايدىڭ وڭتۇستىگىندەگى گۋاندۋن پروۆينسياسىندا حالىق الدىندا 10 ادامدى ءولىم جازاسىنا كەستى. ونىڭ جەتەۋى ەسىرتكى ساتقانى ءۇشىن، ال ۇشەۋى ادام ءولىمى جانە ۇرلىقپەن اينالىسقانى ءۇشىن جازالاندى.
قىلمىسكەرلەرگە قاتىستى ۇكىم شىقپاس بۇرىن جەرگىلىكتى تۇرعىندار الەۋمەتتىك جەلى ارقىلى شارانىڭ وتەتىنى جايلى حابار العان. بۇل تۋرالى lenta.ru جازادى، دەپ حابارلايدى Qamshy.kz اقپارات اگەنتتىگى.
قىلمىسكەرلەر ۇكىم شىعا سالا ءولتىرىلدى، ال مۇنى كورۋگە مىڭداعان ادام جينالعان.
ايىپتىلار الاڭعا جۇك كولىگىمەن جەتكىزىلدى. ءار قىلمىسكەردى قارا كوزىلدىرىك كيگەن ءتورت وفيسەر قورشاۋعا العان. الاڭعا جينالعان جۇرت ءولىم جازاسىن ۇيالى تەلەفوندارىنا ءتۇسىرىپ الدى.
جۇڭگو جىل سايىن بىرنەشە ادامدى ءولىم جازاسىنا كەسىپ وتىرادى. ونىڭ كوبى مەملەكەتتىك قۇپيا رەتىندە ساقتالىپ، سىرتقا جاريا ەتىلمەيدى. Dui Hua Foundation قۇقىققورعاۋ ۇيىمىنىڭ مالىمەتىنشە، 2016 جىلى ەلدە 2 مىڭعا جۋىق قىلمىسكەر ءولىم جازاسىنا كەسىلدى.
