الماتى قالالىق مامانداندىرىلعان اۋدانارالىق سوتى قازاقستاندىق وپەراتورلار كسەلل مەن Tele2 اراسىندا داۋ تۋعىزعان باننەردىڭ زاڭدى ەكەنىن مالىمدەدى. بۇل تۋرالى Tele2 باسپا ءسوز قىزمەتىنە سىلتەمە جاساپ "قازاقستان جاڭالىقتارى" حابارلايدى.
داۋدىڭ باسى ءال-فارابي كوشەسىندە ورنالاسقان ءۇيدىڭ قابىرعاسىندا "كسەلل" اكسيونەرلىك قوعامى جانە "تەلە2" اكسيونەرلىك قوعامى قاتار ىلىنگەن جارنامالىق باننەرلەرىنەن باستالدى.
"كسەلل" اكسيونەرلىك قوعامى مەن ا.شين دەگەن ازاماتتىڭ پىكىرىنشە، سىرت كوزگە قاراعاندا جارنامادان "كسەلل" اكسيونەرلىك قوعامى "تەلە2" كومپانياسىن ۇسىنادى دەگەن ماعىنانى اڭداۋعا بولادى.
وسىعان بايلانىستى "كسەلل" اكسيونەرلىك قوعامى كومپانياسى، "موبايل تەلەكوم-سەرۆيس" ج ش س (تەلە2) كومپانياسىنىڭ انتيجارنامالىق ارەكەتىنە شاعىمدانىپ، سوتقا ارىز تۇسىرگەن بولاتىن.
سوت اتالعان باننەردەن انتيمونوپوليالىق زاڭنامانى بۇزۋ دەرەگى جوقتىعىن، بۇل سلوگاندى ورناتۋعا زاڭ بويىنشا تىيىم سالىنباعانىن ايتتى.
"ءبىز مۇنداي كەزدە داۋدى اكىمشىلىك تاسىلمەن شەشۋگە قارسىمىز. قارسىلاستارىمىز بىزدەن اقىلى مەن شىعارماشىلىعىنىڭ ارقاسىندا اسىپ كەتسە، وندا ونى لايىقتى جاۋاپ دەپ سانايمىز"، - دەدى قازاقستان "تەلە2" باسقارما ءتوراعاسى پيەتاري كيۆيككو.
newskaz.kz
