مۇلىكتى جاريا ەتۋ اكسياسىنىڭ اياسىندا دۋبايدان (ءباا) مۇلىك زاڭداستىرۋ بويىنشا ءوتىنىش كەلىپ ءتۇستى دەپ حابارلادى قارجى مينيسترلىگى باسپا ءسوز قىزمەتىنەن.

سالىق ورگانىنا الماتى وبلىسىنىڭ اۋماعىنان ق ر تىس جەرلەردە مۇلىكتى جاريا ەتۋگە ءوتىنىش كەلىپ تۇسكەن. دۋبايداعى زاڭداستىرىلاتىن مۇلىكتىڭ قۇنى 108، 229 ملن تەڭگە. بۇدان بۇرىن حابارلانعانداي، سولتۇستىك قازاقستان وبلىسىنىڭ تۇرعىنى سوماسى 421 مىڭ تەڭگەگە رەسەيدەن مۇلىكتى زاڭداستىرۋعا ءوتىنىش تۇسكەن. سالىق ورگاندارى ونىڭ ءوتىنىشىن قاناعاتتاندىردى. تۇتاستاي قازاقستان اۋماعىنداعى مۇلىكتى زاڭداستىرۋ بويىنشا جەرگىلىكتى اتقارۋشى ورگانداردىڭ جانىنداعى كوميسسياعا جالپى سوماسى 131، 6 ملرد تەڭگەگە 17 070 ءوتىنىش ءتۇستى: سوماسى 96،4 ملرد تەڭگەگە 13 637 تۇرعىن ءۇي نىسانى؛ سوماسى 33،7 ملرد تەڭگەگە 7 752 تۇرعىن ەمەس نىسان؛ ونىڭ ىشىندە 20،5 ملرد تەڭگەگە 1 630 كوممەرسيالىق نىسان؛ سوماسى 0،7 ملرد تەڭگەگە 13 زاڭدى تۇلعالارعا قاتىسۋ ۇلەسى؛ سوماسى 0،8 ملرد تەڭگەگە باعالى قاعازدار. سوماسى 47،8 ملرد تەڭگەگە 8 310 نىسان جاريا ەتىلدى. ۇلتتىق بانك ەسەبىنىنڭ دەرەكتەرىنە سۇيەنسەك، ەكىنشى دەڭگەيلى بانكتەردە 2015 جىلعى 14 قاڭتارداعى جاعداي بويىنشا جالپى سوماسى 9،6 ملرد تەڭگەگە اقشانى زاڭداستىرۋعا 52 جيناق شوتى اشىلدى، جيناق شوتىنان بيۋدجەتكە اقشانى زاڭداستىرعانى ءۇشىن 338،0 ملن تەڭگە جيىن تولەي وتىرىپ، 3،1 ملرد تەڭگە الىندى. ەل ەكونوميكاسىنا 2،9 ملرد تەڭگە ينۆەستيسيالاندى. 1-ن ەسەبىنىڭ دەرەكتەرىنە سۇيەنسەك، 2015 جىلعى 15 قاڭتارداعى جاعداي بويىنشا "مۇلىكتى زاڭداستىرعانى ءۇشىن جيىن" 206110 كودى بويىنشا بيۋدجەتكە ناقتى 348،8 ملن تەڭگە ءتۇستى. "قازينفورم"