ءمادريدتىڭ "رەال" كلۋبىنىڭ شابۋىلشىسى كريشتيانۋ رونالدۋدىڭ عاشىعى يرينا شەيك قازاقستان ازاماتى بەكمۇحامبەت نيازىمبەتوۆپەن كەزدەسىپ ءجۇر ەكەن. بۇل تۋرالى شەتەلدىك باسىلىمدار جارىسا جازۋدا.

دالەل رەتىندە باتىستىق باسىلىمدار يرينا شەيك پەن بەلگىسىز ءبىر ەر ازاماتتىڭ گاۆاي ارالدارىنداعى سۋرەتتەرىن العا تارتىپ وتىر. بۇل سۋرەتتە رەسەيلىك ءسانقوي ءىش كيىمدەردىڭ جارناماسىن جاساپ تۇرعانى تۇسىرىلگەن. ال ونىڭ قاسىندا ءبىر ەر ازامات بولعان.

سول كادرعا ءتۇسىپ قالعان ەر جىگىتتى جۇرتشىلىق قازاقستان ازاماتى بەكمۇحامبەت نيازىمبەتوۆ دەپ ءجۇر. ءبىراق كەيىن مۇنىڭ ءبارى دە وتىرىك ەكەنى انىقتالدى. ونىڭ ءبارىن تىلشىلەر ادەيى جاساپ وتىرعانى بەلگىلى بولدى.

دەگەنمەن، كريشتيانۋ رونالدۋ مەن يريني شەيك اراسىنداعى ماحاببات حيكاياسى اياقتالعانى تۋرالى ءالى دە ءسوز بولىپ جاتىر. الايدا تىلشىلەردىڭ بۇل اقپاراتىن فۋتبولشىنىڭ ءوزى دە، ونىڭ عاشىعى دا ءالى راستاعان جوق.

"تاڭنان كەشكە دەيىن تەلەفونىمدا تىنىشتىق جوق. الدىمەن بۇل جاعدايدى دوستارىم سۇراعان ەدى، كەيىن تىلشىلەر سۇراۋعا كوشتى. ءبىر قىزىعى، حابارلاسقانداردىڭ بارلىعى ماعان سەنبەيدى. شىنىمدى ايتسام، بۇل قىز مەنى قىزىقتىرمايدى. سەبەبى، ول مەنىڭ تاڭداۋىمداعى قىز ەمەس. وتە ارىق"، - دەيدى استانا قالاسىنىڭ تۇرعىنى بەكمۇحامبەت نيازىمبەتوۆ "ەكسپرەسس ك" باسىلىمىنا بەرگەن سۇحباتىندا.

Kz.troniks.kz باسىلىمىنىڭ حابارلاۋىنشا، نيازىمبەتوۆ استانا قالاسىندا سىرلى كىرپىشتەردى ساتاتىن كاسىپكەر. ونىڭ يرينا شەيككە مۇلدە قاتىسى جوق.

سۋرەتتەگى ەر ازامات شەيك جۇمىس ىستەيتىن كومپانيانىڭ قىزمەتكەرلەرىنىڭ ءبىرى دەيدى باسىلىم. ال بەيرەسمي اقپارات بويىنشا، كادرعا ءتۇسىپ قالعان ازامات ازيا ايماعىنداعى ءىرى مودەل كومپانياسىنىڭ ديزاينەرى ەكەن.