قازاقستاندىق رەكوردتار تۋرالى قىزىق اقپارات جازعىم كەلەدى، ءبىراق جازاتىن تۇك جوق دەيدى. مىنە دايىن رەكورد. وزگەنىڭ بالاسىن ءوزىمنىڭ بالام دەپ باققان. 350 بالانى تاربيەلەگەن. 100 بالاسىنا جوعارى ءبىلىم الىپ بەرگەن. ونىڭ 10-ى ماگيستراتۋرانى بىتىرگەن. 26-ى جوعارى وقۋ ورىندارىندا وقۋدا. ەكەۋى قىتايدا ءبىلىم العان. 74 رەت قۇداعي اتانىپ، ۇيلەنۋ تويىن وتكىزدى. ونىڭ ىشىندە 26-ى ۇلىن ۇيلەندىرىپ، 48 قىزىن ۇزاتقان. بىرەۋ بالالار ءۇيى عوي، مۇندا قايداعى رەكورد دەۋى مۇمكىن. ادەتتەگى بالالار ۇيىنەن ايىرماشىلىعى بار. بالالار ۇيىنە قاراعاندا مۇندا وتباسىلىق، انالىق مەيىرىم، جىلۋ بار. بالالار ءۇيىنىڭ باسشىلارى ءار بالانىڭ تويىن جاساپ، قۇدا-قۇداعي بولىپ توردە وتىرمايدى. بۇل رەتتە تۇياق قازكەنقىزىن 350 بالانىڭ اناسى دەپ اتاۋعا ابدەن لايىق. ەندى رەكورد دەمەي كورىڭىز.