«الەمدە بولىپ جاتقان كۇردەلى ەكونوميكالىق داعدارىس كەزەڭىندە ۇلتتىق بانككە تاپسىرىلعان مىندەتتەردى ءوز دەڭگەيىندە ورىنداۋ ءۇشىن بارىمدى سالۋىم ءتيىس. سول سەبەپتى فەدەراسيا باسشىلىعىنان ءوز ەركىممەن كەتۋدى ۇيعاردىم»، - دەيدى قازاقستان ۇلتتىق بانكىنىڭ ءتوراعاسى قايرات كەلىمبەتوۆ. ۆەلوسپورت فەدەراسياسىنىڭ جاڭا پرەزيدەنتى جاقىن ارادا ەسەپ بەرۋگە ارناپ وتكىزىلەتىن كونفەرەنسيادا جاريا ەتىلەدى. ايتا كەتۋ كەرەك، قايرات كەلىمبەتوۆ فەدەراسيانى باسقارىپ تۇرعان ۋاقىتتا قول جەتكەن نەگىزگى جەتىستىك – الەكساندر ۆينوكۋروۆتىڭ لوندون وليمپياداسىندا التىن مەدالدى يەلەنۋى بولدى. سونىمەن قاتار، «استانا» ۆەلوكومانداسى سوڭعى جىلدارى حالىقارالىق ارەنادا ءساتتى ونەر كورسەتىپ كەلەدى.

ەستەرىڭىزدە بولسا، قايرات كەلىمبەتوۆ «تۋر دە فرانس» ۆەلوكوپكۇندىگىنىڭ العاشقى كەزەڭىن قازاقستاندا وتكىزۋ تۋرالى باستاما كوتەرگەن بولاتىن.

دەرەككوز: Bnews.kz