قازاقستان اسكەرى الەمدىك Global Firepower رەيتينگىندە 80 ورىندا تۇر. تىزىمدە بارلىعى 106 ەل كورسەتىلگەن.

رەيتينگتى ءتۇزۋ بارىسىندا 50 شاقتى فاكتور ەسەپكە الىنعان. ونىڭ ىشىندە اسكەر سانى، قۇرلىقتاعى، اۋەدەگى جانە تەڭىزدەگى اسكەري ارەكەتتەر ءۇشىن جۇمىلدىرىلاتىن اسكەري تەحنيكانىڭ سانى كورسەتىلگەن. جانە دە قارۋمەن جابدىقتاۋعا جۇمسالاتىن ەلدىڭ ەكونوميكالىق رەسۋرسى دا ەسەپكە الىنعان.

Global Firepower اقپاراتى بويىنشا، 17 ميلليون قازاقتىڭ 8 ميلليونى ەلىن قورعاۋعا قاۋقارلى. قازاقستاننىڭ اسكەري بيۋدجەتى 2،4 ملرد دوللارعا باعالانادى.

تىزىمدەگى وزگە ەلدەرگە كەلسەك، اقش كوش باسىندا تۇر. بۇل ەلدە اسكەري ارەكەتتەرگە قاتىسا الاتىن ازاماتتاردىڭ سانى 145 ملن ادام.

ەكىنشى ورىنداعى رەسەيدە بۇل كورسەتكىش 69 ملن ادامدى قۇراسا، ۇشتىكتى جۇڭگو تۇيىندەيدى.

قىتايدى قورعاۋعا 749 ملن ازامات دايىن ەكەن. العاشقى وندىقتىڭ تىزىمىندە ءۇندىستان، ۇلىبريتانيا، فرانسيا، گەرمانيا، تۇركيا، وڭتۇستىك كورەيا جانە جاپونيا ەلدەرى بار. "حابار"