مۇعالجار اۋدانىنىڭ بۇلاقتى اۋىلىندا اۋىلىندا بۇزاۋ قىرىلىپ جاتىر. الەۋمەتتىك جەلىدەگى اقپاراتتان سوڭ مال دارىگەرلەرى تەكسەرۋدى باستادى، دەپ حابارلايدى Aktobenews.kz.

الەۋمەتتىك جەلىدە «وتكەن جىلدىڭ اياعىنا تامان مۇعالجار اۋدانىنىڭ بۇلاقتى (رودنيك) اۋىلىندا بەلگىسىز سەبەپتەرمەن ءىرى قارا مال، ونىڭ ىشىندە باسپاقتاردان اۋرۋ شىقتى. باس-اياعى ءبىر كۇن اۋىرادى دا ولەدى. بۇل كۇنى ىندەت ءالى جالعاسۋدا» دەگەن اقپارات تاراپ كەتتى. اۋىل تۇرعىندارى قىرىلعان مالدىڭ سۋرەتىن قوسىمشا سالعان.

«بۇلاقتى اۋىلىنىڭ تۇرعىندارى مال قىرىلىپ جاتقانىن حابارلاپ، شاعىم تۇسىرگەن جوق. ءبىز دە الەۋمەتتىك جەلى ارقىلى ءبىلىپ، اۋىلعا دارىگەرلەر جىبەرىلدى. الداعى ۋاقىتتا تەكسەرۋ جۇرگىزىلىپ، سەبەبى بەلگىلى بولادى»، — دەدى مۇعالجار اۋداندىق ۆەتەريناريا ءبولىمى باستىعىنىڭ ورىنباسارى باۋىرجان تىلەۋلين.