YouTube جەلىسىندە شەتەلدىكتەر قازاقستاندى قازاقستاننىڭ كورىكتى جەرلەرى ارقىلى تانىعان ۆيدەوسى تارادى، دەپ جازادى Qamshy.kz اقپارات اگەنتتىگى. ۆيدەونى قازاقستاندىق رەجيسسەر مارات سارسەنبايەۆ تۇسىرگەن. 

ۆيدەودا بىرنەشە شەتەل ازاماتىنا بايقوڭىردىڭ، بايتەرەكتىڭ، شارىن شاتقالىنىڭ، شىمبۇلاقتىڭ  سۋرەتتەرىن كورسەتىپ، قازاقستاندى تانىعان ادامعا 50 فۋنت ۇتىپ الۋ مۇمكىندىگى بەرىلگەن. 

سونىمەن قاتار، ۆيدەودا بريتانيادا 50 فۋنتقا 50 بولكە نان ساتىپ الۋعا نەمەسە جەڭىلدىكپەن كانادا ارالدارىنا 2 ادامعا جولداما الۋعا بولاتىنى ايتىلادى. 

شەتەلدىكتەردىڭ ىشىندە شارىن شاتقالىن كورىپ اقش دەپ ويلاعاندار دا بولدى. ال تۇركىستان قالاسىنداعى قوجا احمەد ياسساۋي كەسەنەسىنىڭ سۋرەتىن كورىپ يراك، تۇرىكمەنستان، سيريا  دەپ ويلاعاندار دا بار. جاركەنتتەگى مەشىتتى كورىپ، تايلاند، جۇڭگو دەپ ويلاعان شەتەل ازاماتتارى دا بارشىلىق. بۇركىتشىلەردىڭ سۋرەتىن كورگەن شەتەلدىكتەر موڭعوليا نەمەسە قازاقستان دەپ تاڭداۋ جاساي الماي قالدى. ال بايتەرەكتى كورگەندە كانادا، رەسەي دەگەن جاۋاپتار ايتىلا كەلە، شوتلانديالىق سۋرەتتەگى جاڭا قالا بەينەسى، بۇل - قازاقستان دەپ جاۋاپ بەردى. بايقوڭىر ارقىلى دا قازاقستاندى تانىعان شەتەلدىك 50 فۋنتقا يە بولدى. 

ايتا كەتسەك، 50 فۋنتتى تەڭگەگە اۋىستىرساق، 22374.07 تەڭگەنى قۇرايدى.