قمدب نايب ءمۇفتيى وسكەمەندە ءدىني بىرلەستىك جەتەكشىلەرىنە ارنالعان شاراعا قاتىستى، دەپ حابارلايدى Qamshy.kz اقپارات اگەنتتىگى.
وسكەمەندە شىعىس قازاقستان وبلىستىق «حاليفا التاي» مەشىتىندە وڭىردەگى ءدىني بىرلەستىك جەتەكشىلەرىنە ارنالعان «اشىق ەسىك» كۇنى وتكىزىلدى. شاراعا ءدىني بىرلەستىكتەر جەتەكشىلەرى مەن وڭىرگە ارنايى ىس-ساپارمەن كەلگەن قمدب نايب ءمۇفتيى باۋىرجان ءابدىراش ۇلى قاتىستى.
«ەلباسىمىزدىڭ دانا ساياساتىمەن الەمدەگى ءارتۇرلى دىندەر ءبىر شاڭىراقتىڭ استىندا باس قوسىپ، بەيبىتشىلىكتى نىعايتۋدى ۇندەۋى زور جەتىستىك ەكەندىگى داۋسىز. ۇلتارالىق تاتۋلىقتىڭ ىرگەسىن بەكتە ءتۇسۋ ءۇشىن دىندەر اراسىنداعى تۇراقتىلىق اسا ماڭىزدى»،- دەپ قمدب نايب ءمۇفتيى باۋىرجان ءابدىراش ۇلى اتاپ ءوتتى.
ايتا كەتەتىن بولساق، وتكىزىلىپ وتىرعان شارانىڭ نەگىزگى ماقساتى- رۋحاني بىرىگۋ، ءار ءتۇرلى كونفەسسيالار اراسىندا ءوزارا كەلىسىم، قازاقستان مۇسىلماندارى ءدىني باسقارماسىنىڭ فيليالى جۇمىسىمەن جانە وسكەمەن قالاسىنىڭ مادەني-ارحەتيكتۋرالىق عيماراتىمەن تانىسۋ.
ءىس-شارا بارىسىندا قمدب وسكەمەن ايماعىنىڭ وكىل يمامى ەرمەك قاجى تاسبولات ۇلى مەيماندارعا مەشىت عيماراتىمەن تانىستىرا وتىرىپ، الدا ۋاقىتتا جاماعاتتارمەن جاسالاتىن جۇمىستار تۋرالى اڭگىمەلەدى.
«بۇگىن مەشىت جۇمىسىمەن تانىسىپ، يگى ىستەرگە كۋا بولدىق. مەشىتتىڭ ءىشى وتە كەڭ، جاماعاتتارعا قۇلشىلىق ەتۋگە وتە ىڭعايلى. سونىمەن قاتار، بۇگىن وسى ءىس-شارا اياسىندا بارلىق كونفەسسيالاردىڭ جينالۋى رۋحاني كەلىسىمدى نىعايتۋدا جانە ءوزارا تاجىريبەمەن الماسۋ ءۇشىن پايدالى بولماق»،-دەيدى شقو ەۆانگەلدىك-ليۋتەراندىق شىركەۋ پاستورى ۆيكتور شۆاباۋەر.
جيىن سوڭىندا قمدب نايب ءمۇفتيى مەن وسكەمەن ءوڭىرى بويىنشا وكىل يمام ءدىني بىرلەستىك جەتەكشىلەرىمەن ءبىر داستارحان باسىنا وتىرىپ، ەمەن-ەركىن سۇحباتتاستى.
پىكىر قالدىرۋ