الماتى قالاسىندا قالا يمامدارىنىڭ كەلەلى جيىنى ءوتتى. جيىندا وتكەن جىل قورىتىندىلانىپ، 2018 جىلدىڭ جۇمىستارى تالقىلاندى. الماتى قالاسىنىڭ باس يمامى نۇربەك قاجى ەسماعانبەت:
جيىنعا قاتىسقان قمدب-نىڭ ءىس باسقارۋشىسى ورىن ەربوسىن بەكتۇرسىن ۇلى اتالمىش لاۋازىم جايلى اقپارات بەرىپ، ماڭىزدىلىعى جايلى ءسوز قوزعادى. بۇل قىزمەتتىڭ قازىرگى ءىس باسقارۋشى قىزمەتىمەن ۇقساستىقتارى تۋراسىندا ايتىپ، ءمۋتاۋاللي قىزمەتىنىڭ جان-جاقتى تالقىلاناتىندىعىن جەتكىزدى.
باس يمامنىڭ بۇل پىكىرىن قالا يمامدارى قولداپ، ءدىني باسقارمانىڭ ىرگەتاسى قالانعالى بەرى قىزمەت ەتىپ جۇرگەن تاجىريبەلى يمامدار دا ءوز پىكىرىن ءبىلدىردى. تۇركىسىب اۋداندىق «فيرالي فەرعان ۇلى» مەشىتىنىڭ باس يمامى مەيرمان ساتتارقۇل قاجى: «باس ءمۇفتيىمىز سەرىكباي قاجى وراز حازرەتتىڭ مەشىتتەردەگى ءمۋتاۋالليات لاۋازىمىن قوزعاۋى قازىرگى ۋاقىتتىڭ تالابى ءارى دەر كەزىندە كوتەرىلگەن ماسەلە. ءبىز قىزمەتكە باستاعان جىلدارى بۇل قىزمەت بولعان. ەندىگى تىلەگىمىز بۇل لاۋازىمنىڭ قازىرگى زامان مەن قوعامعا لايىقتى ەتىپ جاسالۋى. وسى ارقىلى يمامداردىڭ جۇمىستارى جەڭىلدەپ، دارەجەسى كوتەرىلىپ، مەشىت جۇمىسىنىڭ ساپالىلىعى ارتادى. اللا بارشامىزدى قولداسىن»،-دەسە،
«ءال-حاميد» مەشىتىنىڭ باس يمامى امانقۇلوۆ اسىلحان قاجى:
«ءمۋتاۋالليات ورتا ازيادا بۇرىننان بەرى كەلە جاتقان قىزمەت. بۇل لاۋازىمنىڭ ماقساتى - يمامداردىڭ قوعامداعى بەدەلىن تۇسىرمەۋ ءارى دىنگە جامان ات كەلتىرمەۋ. بۇل لاۋازىمدى اتقارۋشى قىزمەتكەر يمامعا باعىنىشتى، ءدىني باسقارمانىڭ وكىلى. مەشىتتىڭ شارۋاشىلىقتارىن اتقارىپ قانا قويماي، يمامداردىڭ دارەجەسىن كوتەرەدى. بۇل لاۋازىمدى قولدايمىز، ءبىز ءۇشىن قايىرلى ەكەنىنە سەنەمىز»،-دەدى.
اتالمىش جيىن يمامدارعا جاڭا سەرپىلىس بەرىپ، قىزمەت ساپاسىنىڭ ارتۋىنا سەپتىگىن تيگىزەرى انىق.
پىكىر قالدىرۋ