امەريكالىق ۆيسكونسين شتاتى ميلۋوكي قالاسىنداعى مەكتەپتەردىڭ بىرىندە 4-سىنىپ وقۋشىلارىنا قۇلدىقتىڭ جاقسى تۇستارىن جازىپ كەلۋ جايىندا ءۇي تاپسىرماسى بەرىلگەن. بۇل تۋرالى Qamshy.kz اقپارات اگەنتتىگى Daily Mail پورتالىنا سىلتەمە جاساپ حابارلايدى.

وقۋشىلاردىڭ ءبىرىنىڭ اناسى ءوزىنىڭ فەيسبۋكتەگى پاراقشاسىنا اتالمىش تاپسىرماعا بايلانىستى ۇلىنىڭ جازعانىن ءبولىستى: «مەن قۇلدىقتىڭ جاقسى قاسيەتتەرى بار دەپ ويلامايمىن. سول سەبەپتى ەشتەڭە جازبايمىن. ال جاماندىقتارىنا كەلەر بولساق، قۇلداردى ۇرىپ-سوعادى، وتباسىنان اجىراتادى»، - دەپ جازىلعان.

سوڭىندا وقۋشى ءوزىنىڭ قارا ءناسىلدى ەكەنىنە ماقتاناتىنىن دا جازىپ وتكەن. «ءبىزدىڭ قارا ءناسىلدى ەكەنىمىزگە ماقتانامىن، سەبەبى ءبىز باتىل ءارى كۇشتىمىز».

باسىلىمىنىڭ مالىمەتىنشە، وقۋشىلاردىڭ كوبى بۇل تاپسىرمانى ورىنداۋدان باس تارتقان.

مەكتەپ باسشىلىعى دا تاپسىرمانىڭ ورىنسىز ەكەنىن ايتىپ، اتا-انالاردان كەشىرىم سۇرادى. «تاپسىرمانىڭ ماقساتى وقۋشىلار اراسىندا ديسكۋسسيا ۇيىمداستىرۋ بولعان»، - دەدى مەكتەپ ديرەكتورى.