بۇگىن مەملەكەت جانە قوعام قايراتكەرى، ءۇش مارتە سوسياليستىك ەڭبەك ەرى، قازاق كسر عىلىم اكادەمياسىنىڭ اكادەميگى، تەحنيكا عىلىمدارىنىڭ دوكتورى دىنمۇحامەد احمەت ۇلى قونايەۆتىڭ تۋعان كۇنى، دەپ جازادى Qamshy.kz اقپارات اگەنتتىگى.

قازاقستان كومپارتياسى ورتالىق كوميتەتىنىڭ ءبىرىنشى حاتشىسى بولعان د. قونايەۆ 1912 جىلى 12 قاڭتاردا الماتىدا دۇنيەگە كەلگەن.

قازاقستان ءۇشىن قىرۋار ءىس اتقارعان تۇلعانىڭ ءومىر جولىن بىلمەۋىمىز ادىلەتسىزدىك بولار. عاسىردا ءبىر تۋاتىن دارا تۇلعا تۋرالى بىرنەشە فاكت ۇسىنامىز.

دىنمۇحامەد احمەتۇلىن بىلەتىندەر وتە قاراپايىم ادام بولعانىن، ءتىپتى جۇمىسقا جاياۋ بارعانىن ايتادى.

قازاقستان ونەركاسىپتىك وندىرىستە – 8،9 ەسە، اۋىل شارۋاشىلىعىندا – 6،2 ەسە، قۇرىلىس سالاسىندا – 68 ەسە، حالىق سانى جونىنەن – 2،5 ەسە ءوستى. قونايەۆ نەبارى 22 جاسىندا ەلدى وسىنداي جەتىستىككە جەتكىزدى.

1967 جىلى قونايەۆتىڭ باستاماسىمەن شۇعىل تۇردە كىشى الماتى وزەنىنىڭ جوعارى جاعىنا بوگەت سالۋ جۇمىستارى جۇرگىزىلدى.

1973  جىلى مەدەۋدە مىقتى پلوتينا – الىپ بوگەسىن سالىنىپ، سەل-سۋناميگە توسقاۋىل قويىلدى. سەلگە قارسى قاھارماندىق يدەياسىن كوتەرىپ، قۇرىلىس-قالقان سالدىرعان دا دىنمۇحامەد قونايەۆ بولاتىن.

ونىڭ پەرزەنتى بولمادى، ارتىندا ۇرپاق قالمادى.

1981 جىلى قونايەۆ 70 جىلدىق مەرەيتويىن تويلاۋ قارساڭىندا نۇرسۇلتان نازاربايەۆتى ۇلىم دەپ اتادى، ياعني ءىس جۇزىندە مۇراگەرى ەكەنىن ءبىلدىردى.

«سوۆەتسكيي كازاحستان» حابارىنىڭ شىعارىلىمى الدىن الا ورتالىق كوميتەتتىڭ باقىلاۋىنان اي سايىن وتەتىن. ءبىر كۇنى قونايەۆتىڭ ءوزى قوڭىراۋ شالىپ: «مەنى وسى جولعى حاباردا ەكى رەت كورسەتىپتى، قىسقارتىڭىزدار، ءبىر رەت كورسەتسە دە جەتەدى»، - دەگەن.

1962 جىلى قونايەۆ پاۆلوداردىڭ اتاۋىن حرۋششيەۆوگراد دەپ وزگەرتۋگە ۇسىنىس جاساعاندارعا قارسىلىق ءبىلدىردى، ول وسىلاي ماسكەۋگە تانىلدى.

الپىسىنشى جىلداردىڭ باسىندا حرۋششيەۆ قازاق سوۆەتتىك سوسياليستىك رەسپۋبليكاسىنىڭ استاناسىن اقمولاعا كوشىرۋدى جانە ونىڭ اتاۋىن سەلينوگراد دەپ وزگەرتۋدى ويلادى. قونايەۆ وعان قارسى تۇرىپ، الماتىنىڭ ستاتۋسىن ساقتاپ قالدى.

1993 جىلى 25 تامىز قازاقستان تاريحىندا جاريالانباعان حالىقارالىق قارالى كۇن بولىپ قالدى.

قازاق جۇرتى دىنمۇحامەد قونايەۆ احمەتۇلىن جەر قوينىنا تاپسىردى. ون مىڭداعان الماتىلىق وپەرا جانە بالەت تەاترى زالىنا قايعى جامىلا كەلدى.