ق ر اقپارات جانە كوممۋنيكاسيا مينيسترلىگى ۇلتتىق اقپاراتتىق كەڭىستىكتىڭ اۆتوماتتاندىرىلعان مونيتورينگ جۇيەسىن ءوز يەلىگىنە الادى. ونى 2018 جىلدىڭ سوڭىنا دەيىن اياقتاۋ جوسپارلاندى. بۇل تۋرالى Tengrinews.kz حابارلادى، دەپ جازادى Qamshy.kz اقپارات اگەنتتىگى.

«ۇلتتىق اقپاراتتىق كەڭىستىكتىڭ اۆتوماتتاندىرىلعان مونيتورينگ» جۇيەسىن قۇرۋ ماقساتىندا رەسپۋبليكالىق بيۋدجەتتەن 1،671 ميلليارد تەڭگە ءبولىندى.

جۇيە دەرەكتەردىڭ ءىرى كولەمىن وڭدەۋ پرينسيپتەرىندە جۇمىس ىستەيتىن ءبىرىڭعاي باعدارلامالىق-اپپاراتتىق كەشەن بولادى دەپ بولجانۋدا.

«جۇيەنى ازىرلەۋ مەملەكەتتىك ساتىپ الۋ تۋرالى زاڭنامادا كوزدەلگەندەي ءتيىستى بايقاۋ راسىمدەرىن ورىنداعاننان كەيىن جۇزەگە اسادى. جۇيەنى ازىرلەۋدىڭ باستى ماقساتى «بۇقارالىق اقپارات قۇرالدارى تۋرالى» ق ر زاڭىنىڭ 4-3-بابىنىڭ 13-1 بولىمىندە قاراستىرىلعان ب ا ق سالاسىنداعى وكىلەتتى ورگاننىڭ فۋنكسياسىن ىسكە اسىرۋدىڭ تيىمدىلىگىن ارتتىرۋ»، - دەلىنگەن ق ر اقپارات جانە كوممۋنيكاسيا مينيسترلىگىنىڭ حابارلاماسىندا.

ۆەدومستۆونىڭ مالىمەتىنە سايكەس، بۇگىنگى تاڭدا مونيتورينگ وكىلەتتى ورگاندا تىركەلگەن رەسپۋبليكالىق ءارى وڭىرلىك تەلە جانە راديو ارنالاردى، باسپا مەن اقپاراتتىق اگەنتتىكتەردى، جەلىلىك رەسۋرستاردى قامتيدى. بارلىعى شامامەن 930 ب ا ق. سونداي-اق قازاقستان رەسپۋبليكاسىنىڭ زاڭدارىنا نۇقسان كەلتىرەتىن اقپاراتتاردى انىقتاۋ ءۇشىن الەۋمەتتىك جەلىلەر مەن ينتەرنەت جەلىسىنىڭ شەتەلدىك سەگمەنتىنە مونيتورينگ جۇرگىزىلەدى. اقپاراتتىق جۇيە قۇرىلعان سوڭ باق-تى قامتۋ اۋقىمى كەڭەيەدى.