ورىس يمپەرياسىنىڭ سوعىس تاجىريبەسى ۋكراينادا قولدانىلىپ جاتىر. جالپى ورىس يمپەرياسى ۋادەلەر مەن كەلىسىم-شارتتاردى الداندىرا تۇرۋدىڭ قۇرالى ەتىپ كەلگەنى بەلگىلى. ءبىز قازاقتاردى دا سول سەنگىشتىگىمىزدەن پايدالانىپ حالقىمىزدى قىرىپ، جەرىمىزدەن ايىردى. ەندى ۋكراينانى دا مينسك كەلىسىمى ارقىلى الداي تۇرىپ، گۋمانيتارلىق كومەك دەگەن اتپەن ءوق-دارى، قارۋ-جاراقتى تاسىدى. ەندى ءبىزدىڭ اسكەر ۋكراينادا جوق دەگەن بەتپاقتىقتى ايتىپ، اسكەرىن كىرگىزدى. تىپتەن قىرعىن سوعىسقا سالۋدا. جۇمىسسىز قالعان جاستار مەن تۇرمەدەگى بانديتتەردىڭ ءبارىن جالاقى بەرىپ، پسيحولوگيالىق دايىندىقتان وتكىزىپ، سوعىسقا دايىنداپ ۋكرايناعا كىرگىزىپ جاتىر. ايتپەسە، سەپاراتيستەردىڭ قارۋى وسىنداي وزىق بولماس ەدى جانە ولار بۇل قارۋلاردى پايدالانا بىلمەيدى عوي. جالپى ورىس ابحازيا مەن وسەتيا ءۇشىن گرۋزيانى، تاۋلى قارباق ءۇشىن ازەربايجاندى قۇرباندىققا شالعانىن بىلەسىزدەر. ەندى سول ءتاسىلدى ۋكرايناعا قولدانباق. الايدا ۋكراينا وڭاي شاعىلاتىن جاڭعاق ەمەس. باتىس پەن ورىستىڭ ساياسي مۇددەسىنىڭ تۇيىسكەن جەرى. 60 ملن حالقى بار ۋكرينا ارمياسىنىڭ قۋاتى دا ەۆروپا ەلدەرىنىڭ ارميالارىنان قۋاتتى ەكنىڭ ءبىرى بىلسە ءبىرى بىلمەيدى. ەندى بالتىق ەلدەرى جانتالاسا شىرىلداپ جاتىر. ەۆروپا نە ارى ەمەس نە بەرى ەمەس، ەكىورتادا ءجۇر. اقش سوعىس دايىندىعىنا كوشتى. وسىلايشا، ولار ۋكراينانى قارجى مەن قارۋ-جاراقپەن قامداپ وتىر. بۇل – عالامدىق سوعىستىڭ جاڭا وشاعى پايدا بولدى دەگەن ءسوز. ورىستىڭ كۇشەيۋى دە، تىم السىرەپ كۇيرەۋى دە قازاقستانعا ءتيىمسىز. ۇيرەنگەن جاۋدى پايدالانا وتىرعان ابزال شىعار. اللا ساقتاسىن!

احمەت ۇلى بەيسەن