مارك سۋكەربەرگ Facebook الەۋمەتتىك جەلىسىنىڭ نەگىزىن سالۋشى رەتىندە جەلىدەگى وزگەرىستەر جايىن حابارلاعان بولاتىن. سول سەبەپتى  Facebook كومپانياسىنىڭ باعالى قاعازدار باعامدارىنىڭ قۇنى 4،5 پايىزعا تومەندەدى، دەپ حابارلايدى Qamshy.kz اقپارات اگەنتتىگى nasdaq.com مالىمەتىنە سۇيەنىپ. 

مارك سۋكەربەرگكە كومپانيانىڭ 14 پايىز اكسياسى تيەسىلى. ال اكسيا باعاسىنىڭ تومەندەۋى بيزنەسمەنگە 3،2 ميلليارد دوللار شىعىن اكەلدى.

ايتا كەتسەك، «مەن ءبىزدىڭ جۇمىس توبىمىزعا ءوزارا الەۋمەتتىك ارەكەتتەسۋدى  قالىپتاستىرۋ ءۇشىن دۇرىس مازمۇندى كونتەنت تابۋعا كومەكتەسۋ ماقساتىندا وزگەرىستەر ەنگىزدىم. ەڭ الدىمەن، سىزدەر جاڭالىقتار لەنتاسىنان وزگەرىستەردى بايقايتىن بولاسىزدار» دەپ حابارلاعان بولاتىن مارك سۋكەربەرگ. 

ونىڭ ايتۋىنشا، ءتۇرلى كومپانيالار مەن باق-تىڭ پوستتارى ازايىپ، ولاردىڭ مازمۇنى ادامدار اراسىنداعى ماڭىزدى قارىم-قاتىناستى ورنالاستىرۋعا قاتىستى بولۋى مىندەتتەلەدى.

«مۇنداي وزگەرىستەردى ەنگىزگەننەن كەيىن ادامدار بۇل جەلىدە كوپ وتىرمايدى دەپ ويلايمىن جانە دە سايتتارعا كىرۋ مۇمكىنشىلىگى دە ازاياتىن بولادى. الايدا، ءسىز Facebook جەلىسىندە وتىرىپ قۇرتقان ۋاقىتىڭىز بوس كەتپەيدى دەپ ۇمىتتەنەمىن. ەگەر مەنىڭ ىستەپ وتىرعانىم دۇرىس بولسا، وندا بۇل قوعامعا وڭ وزگەرىستەر ەنگىزەدى دەپ ويلايمىن»، - دەيدى ول.