Toyota Camry سەدانىنىڭ سوڭعى بۋىنى بولىپ سانالاتىن XV70 مودەلى بىلتىر ماۋسىم ايىندا تانىستىرىلعان ەدى. جاڭا Camry تمد مەملەكەتتەرىنە 2018 جىلدىڭ سوڭىندا كەلمەكشى. بۇل تۋرالى Kolesa.kz جازادى.

XV70 يندەكسىمەن كەلەتىن تانىمال سەداننىڭ رولىنە قازاقستاندىقتار جىل سوڭىنا دەيىن وتىرىپ قالۋى ابدەن مۇمكىن. ازىرگە ونىڭ داتاسى جانە كولىكتىڭ باعاسى تۋرالى ناقتى اقپارات ايتىلعان جوق.

بەلگىلىسى – جاڭا Camry رەسەيدىڭ سانكت-پەتەربۋرگ قالاسىندا قۇراستىرىلىپ، تمد ەلدەرىنە ساتىلادى.

كولەمى 2،5 ليترلىك قوزعالتىشتىڭ ەكى ءتۇرى ۇسىنىلادى ەكەن. ونىڭ ءبىرى 206، ەكىنشىسى 305 ات كۇشىمەن ەسەپتەلەتىن V6 قۋاتتى قوزعالتقىشى بولماق. بەرىلىس قورابى بىرەۋ عانا – سەگىز قادامدى اۆتومات.

جاڭا Camry كولىگىنىڭ الماتى كوشەلەرىندە جۇرگەن سۋرەتى ينتەرنەتتە جاريالانعان بولاتىن، الايدا Toyota كومپانياسىنىڭ وكىلدەرى ول تۋرالى ەشقانداي پىكىر بىلدىرە المايتىندارىن مالىمدەگەن.

دارىن نۇرساپار