كەشە كابۋلداعى Intercontinental قوناق ۇيىنە شابۋىل جاسالىپ، 43 ادام مەرت بولدى. ولاردىڭ اراسىندا 1978 جىلعى قازاقستان ازاماتى دا بار دەپ جازادى Qamshy.kz اقپارات اگەنتتىگى caravan.kz-كە سىلتەمە جاساپ.

كۋاگەرلەردىڭ ايتۋىنشا، قىلمىسكەرلەر كۇزەتشىنى اتىپ ءولتىرىپ، عيماراتقا اس ءۇي ارقىلى وتكەن. پوليسەيلەر 17 ساعات بويى ەكسترەميستەردى عيماراتتان شىعارىپ، تۇتقىنداردى بوساتۋ ءۇشىن كۇرەستى. سونىڭ ناتيجەسىندە، شابۋىلداعان التى ادامنىڭ كوزى جويىلدى. 150 تۇتقىن بوساتىلدى. ونىڭ 40-ى شەتەل ازاماتتارى مەن ءقوناقۇي قىزمەتكەرلەرى.

شابۋىلدى تاليبان قوزعالىسى ءوز موينىنا الدى.

بۇعان دەيىن دە قازاقستان ازاماتتارى شەتەلدە تەراكت سالدارىنان كوز جۇمعان.

2001 جىلى 11 قىركۇيەكتە اقش-تاعى تەراكتى

2001 جىلى 11 قىركۇيەكتە اقش-تا بولعان تەراكتىدە 19 تەرروريستەن بولەك، 2977 ادام قازا تاپتى. 24 ادام حابار-وشارسىز كەتتى. 6300 زارداپ شەكتى.

قايتىس بولعانداردىڭ اراسىندا قازاقستان ازاماتشاسى جانەتتا سوي دا بار ەدى. ول ساۋدا ورتالىعىندا ورنالاسقان «مارش» كومپانياسىنا جۇمىس ىستەيتىن.

«نورد-وست» ميۋزيكل كەزىندەگى تەراكتى، 2002 جىل

تەراكتى ەكى كۇنگە سوزىلدى. 23-26 قازان ارالىعىندا قارۋلى توپ موۆسار بارايەۆتىڭ باسشىلىعىمەن «نورد-وست» تەاترىنا كەلگەن كورەرمەندەردى تۇتقىندا ۇستادى.

تۇتقىنعا الىنعان ادامداردىڭ سانى 916 بولدى. رەسمي دەرەكتەرگە سايكەس، 130 ادام كوز جۇمدى. ال «نورد-وست»  قوعامدىق ۇيىنىڭ مالىمەتىنشە، 174 ادام مەرت بولعان. ولاردىڭ اراسىندا 13 جاستاعى الەكساندرا ليتياگا ەسىمدى قازاقستان ازاماتشاسى دا بار. تۇتقىنداردىڭ اراسىندا ءتورت قازاقستان ازاماتى بولعان.

كابۋلداعى شابۋىل، 2015 جىل

«Park Palace Hotel» قوناقۇيىندەگى تەرروريستىك شابۋىل 2015 جىلى 13 مامىردا شەتەلدىكتەرگە ارنالعان كونسەرت كەزىندە بولدى.

تاليبان سودىرلارىنىڭ شابۋىلىنان 5 ادام وپات بولدى. ونىڭ ىشىندە قازاقستان ازاماتشاسى ايگەرىم ابدۋللايەۆا بار.

ق ر ءسىم مالىمەتىنشە، ايگەرىم ابدۋللايەۆا 1987 جىلى دۇنيەگە كەلگەن. ايگەرىم كۇيەۋىمەن اۋعانستان استاناسىندا تۇرىپ جاتقان. كۇيەۋى – يتاليا ازاماتى. ول اۋعانستاننىڭ يندۋستريا جانە ساۋدا مينيسترلىگىندە شەتەلدىك كەڭەسشى قىزمەتىن اتقارعان.

نيسسەدە 2016 جىلى جۇك كولىگى ءبىر توپ ادامدى قاعىپ ءوتتى

2017 جىلى 15 شىلدەدە نيسسەدە فرانسيانىڭ ۇلتتىق كۇنى تويلانىپ جاتقاندا جۇك كولىگى ءبىر توپ ادامدى قاعىپ وتكەن. ودان كەيىن اتىس بولعان. شابۋىلدى دايش تەرروريستىك توبى موينىنا الدى.

تەراكتى ناتيجەسىندە، 308 ادام جاراقاتتاندى. كوز جۇمعان 87 ادامنىڭ قاتارىندا قازاقستاننىڭ 4 ازاماتى بار. ولار – 1956 جىلى تۋعان ليۋبوۆ پانچەنكو، 1983 جىلى تۋعان مارينا پانچەنكو، 2013 جىلى تۋعان سيلۆيا پانچەنكو جانە 1959 جىلى تۋعان ناتاليا وتتو.

سانكت-پەتەربۋرگتەگى جارىلىس، 2017 جىل

2017 جىلى 3 ساۋىردە ەكى مەترو ستانسيانىڭ اراسىندا جارىلىس بولدى. سوڭعى اقپاراتقا سايكەس، 14 ادام مەرت بولدى، 49 ادام زارداپ شەكتى.

رەسەيلىك باق-تا قازاقستاندىق 22 جاستاعى ماكسيم ارىشيەۆتىڭ تەراكتىگە قاتىسى بار دەگەن اقپارات شىقتى، الايدا قازاقستاننىڭ ۇلتتىق قاۋىپسىزدىك كوميتەتى بۇل اقپاراتتى جوققا شىعاردى.

كەيىنىرەك ماكسيم ارىشيەۆتىڭ وپات بولعانى انىقتالدى.

2017 جىلى كابۋلداعى جارىلىس

2017 جىلى 31 مامىردا پرەزيدەنت سارايى مەن شەتەلدىك ەلشىلىكتەردىڭ ماڭىندا جارىلىس بولدى. كوپ عيمارات قيرادى.

150 ادام كوز جۇمدى، 600 ادام ءتۇرلى جاراقاتپەن اۋرۋحاناعا جەتكىزىلدى. ونىڭ ەكەۋى – قازاقستان ازاماتتارى.

اۆتور: فەدور نەدەلكو