ەلباسى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» قازاقستان حالقىنا جولداۋىندا جاڭا الەم كوشباسشىلارىنىڭ قاتارىنا قوسىلۋ ءۇشىن بىرنەشە مىندەتتەر قويىپ وتىر. وسى مىندەتتەردىڭ ىشىندە ادامي كاپيتال – جاڭعىرۋ نەگىزى ەكەندىگى ايتىلادى.

ەلباسى «ۇزدىك دەنساۋلىق ساقتاۋ ءىسى - دەنى ساۋ ۇلت» باعىتى بويىنشا مىندەتتى مەديسينالىق ساقتاندىرۋ جۇيەسى قالاي ىسكە اسىرىلۋى كەرەكتىگىن اتاپ، ناقتى تاپسىرما بەردى.  ەلباسى ءوز جولداۋىندا: «دەنساۋلىق ساقتاۋ سالاسى حالىقتىڭ، مەملەكەتتىڭ جانە جۇمىس بەرۋشىنىڭ ورتاق جاۋاپكەرشىلىگىنە نەگىزدەلگەن مىندەتتى الەۋمەتتىك مەديسينالىق ساقتاندىرۋ جۇيەسىنە كەزەڭ-كەزەڭمەن كوشەتىن بولادى»، دەپ اتاپ كورسەتكەن.

-ەلىمىزدە دەنساۋلىق سالاسىندا ەنگىزىلگەن ەڭ ۇلكەن وزگەرىستەردىڭ ءبىرى – مىندەتتى الەۋمەتتىك  مەديسينالىق ساقتاندىرۋ جۇيەسى. ءمامس جۇيەسىنىڭ 2020 جىلعا دەيىن شەگەرىلۋىنىڭ بەلگىلى سەبەپتەرى بولدى. ەلىمىزدە ءوزىن-وزى قامتيتىن ازاماتتاردىڭ ساقتاندىرۋ جۇيەسىنەن تىس قالۋ ءقاۋپى جوعارى بولىپ وتىرعاندىقتان ەلباسىمىز دەنساۋلىق ساقتاۋ سالاسىن رەفورمالاۋ قادامدارىن قايتا قاراپ، ساقتاندىرۋ مەديسيناسىنا ازاماتتاردىڭ بارلىق ساناتتارىنىڭ تەڭ دارەجەدە قاتىسۋىن قامتاماسىز ەتۋدى تاپسىرعان بولاتىن، - دەيدى استانا قالاسى بويىنشا «ءمامس» كەاق فيليالىنىڭ ديرەكتورى ن.قابدىقاپاروۆ.

قازىرگى تاڭدا مەديسينالىق ساقتاندىرۋ قورى وسى جولداۋداعى تاپسىرمالاردى ورىنداۋعا بەت بۇردى. ەلباسىنىڭ جولداۋىندا اقپاراتتىق جۇيەلەردى بىرىكتىرۋ، موبيلدىك سيفرلىق قوسىمشالاردى قولدانۋ، ەلەكتروندىق دەنساۋلىق پاسپورتىن ەنگىزۋ، «قاعاز قولدانبايتىن اۋرۋحاناعا» كوشۋ ارقىلى مەديسينالىق كومەكتىڭ قولجەتىمدىلىگى مەن تيىمدىلىگىن ارتتىرۋ قاجەتتىلىگىنە اسا دەن قويىلعان. وسىعان وراي قور «مسق: حالىقتىق باقىلاۋ» ءموبيلدى قوسىمشاسىن ىسكە قوسقان بولاتىن. اتالعان قوسىمشا ەلىمىزدەگى اۋرۋحانالار مەن ەمحانالاردىڭ قىزمەتىن باعالاۋعا مۇمكىندىك بەرەدى. قوسىمشانى ۇيالى تەلەفونعا جۇكتەپ، كەپىلدەندىرىلگەن تەگىن مەديسينالىق كومەك شەڭبەرىندە قىزمەت كورسەتەتىن ەمحانالار مەن ستاسيونارلاردىڭ جۇمىسىنا باعا بەرۋگە بولادى. وندا دارىگەر قابىلداۋىنا كىرۋگە كەتكەن ۋاقىت، كورسەتىلگەن قىزمەت ساپاسى، دارىگەر بەرگەن ەمنىڭ تۇسىنىكتىلىگى سىندى ولشەمدەر ەسەپكە الىنادى.

-قوسىمشانى پايدالانۋشىلار كەز كەلگەن مەديسينا ۇيىمى جايلى پىكىرىن ەركىن تۇردە جازىپ قالدىرا الادى. الداعى ۋاقىتتا وسى پىكىرلەر نەگىزىندە كلينيكالاردىڭ رەيتينگى جاسالادى. بۇل ازاماتتارعا ەلىمىزدەگى ەڭ ۇزدىك دەگەن ەمحانالار مەن كلينيكالاردى تاڭداۋعا سەپتىگىن تيگىزەدى، – دەيدى استانا قالاسى بويىنشا «ءمامس» كەاق فيليالىنىڭ ديرەكتورى ن.قابدىقاپاروۆ.

ءموبيلدى قوسىمشا ۇنەمى جاڭارتىلىپ وتىرادى. الداعى ۋاقىتتا قوسىمشانى ەمحاناعا تىركەلۋ، مەديسينالىق قىزمەت ساپاسىن باعالاۋ، دارىگەرگە جازىلۋ سياقتى فۋنكسيالارمەن تولىقتىرۋ كوزدەلىپ وتىر. 

ەلباسى كەپىلدەندىرىلگەن تەگىن مەديسينالىق كومەك كولەمىن وڭتايلاندىرۋ قاجەتتىلىگىنە باسا نازار اۋدارادى. وسىعان بايلانىستى قور تاراپىنان ۇسىنىستار ازىرلەنىپ، وكىلەتتى ورگانعا بەرىلەدى. ياعني، كەپىلدەندىرىلگەن تەگىن مەديسينالىق كومەك پاكەتى قايتا قارالادى دەۋگە بولادى. وسى اراداعى باستى مىندەت - مەملەكەت ءۇشىن تيىمدىلىگى تومەن ءارى شىعىنى كوپ ديسپانسەرلىك جۇيەدەن باس تارتىپ، ونىڭ ورنىنا قاشىقتىقتان دياگنوستيكا جاساۋ جانە امبۋلاتورلىق ەمدەۋ تاسىلدەرىن پايدالانۋ ارقىلى سوزىلمالى سىرقاتتاردى ەمدەۋ جۇيەسىنە كوشۋ.

الداعى ەكى جىلدا قور كەپىلدەندىرىلگەن تەگىن مەديسينالىق كومەك پەن الەۋمەتتىك مەديسينالىق ساقتاندىرۋ پاكەتتەرىنە ەنەتىن مەديسينالىق قىزمەتتەردى ىرىكتەۋمەن اينالىسۋدى كوزدەپ وتىر. ىرىكتەۋ بارىسىندا مەديسينالىق قىزمەتتەرگە دەگەن سۇرانىس پەن ولاردىڭ تيىمدىلىگى مىندەتتى تۇردە ەسكەرىلەدى.

ستاسيونارلىق كومەكتەن پروفيلاكتيكاعا جانە وزگە دە قىزمەت تۇرلەرىنە كوشۋ – قور جۇمىسىنىڭ باسىم مىندەتتەرىنىڭ ءبىرى.

ەلباسى قازىرگى دەنساۋلىق ساقتاۋ ءىسى قىمباتقا تۇسەتىن ستاسيونارلىق ەمگە ەمەس، اۋرۋدىڭ الدىن الۋعا باعىتتالۋعا ءتيىس ەكەندىگىن اتاپ ءوتتى. ەلىمىزدە ستاتيستيكا بويىنشا ناۋقاستاردىڭ باسىم بولىگى دارىگەرگە اۋرۋى ابدەن اسقىنعاننان كەيىن قارالادى. وسىنىڭ سالدارىنان ازاماتتاردىڭ شىعىنى مەن مەملەكەت قازىناسىنان بولىنەتىن قاراجات بىرنەشە ەسە ارتادى.

قور بولاشاقتا ستاسيوناردى الماستىراتىن قىزمەت تۇرلەرىن كوبەيتۋگە باعىتتالعان ءىس-شارالاردى جۇزەگە اسىرادى. 2018 جىلدان باستاپ كەپىلدەندىرىلگەن تەگىن مەديسينالىق كومەككە بولىنەتىن قاراجاتتىڭ 5 پروسەنتى وسى قىزمەت تۇرلەرىنە جۇمسالاتىن بولادى. اتالعان مىندەتتەر دەنى ساۋ ۇلتتى قالىپتاستىرۋعا باعىتتالعان قور جۇمىسىنىڭ العىشارتىنا اينالىپ وتىر. دەنى ساۋ ۇلتتىڭ عانا بولاشاعى جارقىن بولادى.

گۋلزيرا جيبەكەنوۆا