ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتىندە بوكستان سيدنەي وليمپياداسىنىڭ چەمپيونى، حالىقارالىق دارەجەدەگى سپورت شەبەرى ەرماحان ىبرايىموۆپەن كەزدەسۋ ءوتتى، دەپ جازادى Qamshy.kz اقپارات اگەنتتىگى.

ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتى قازاقستان رەسپۋبليكاسىنىڭ پرەزيدەنتى ن.ءا. نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىن ۋنيۆەرسيتەتىمىزدىڭ «اينالاڭدى نۇرلاندىر» جانە «سالاماتتى ءومىر سالتى» اتتى يننوۆاسيالىق جوبالارىنىڭ اياسىندا حالىقارالىق دارەجەدەگى سپورت شەبەرى، بوكستان قازاقستاننىڭ ەڭبەگى سىڭگەن جاتتىقتىرۋشىسى، سيدنەي وليمپياداسىنىڭ جەڭىمپازى، قازاق حالقىنىڭ ماقتانىشى، ۋنيۆەرسيتەتىمىزدىڭ تۇلەگى – ىبرايىموۆ ەرماحان ساعيۇلىمەن كەزدەسۋ بارىسىندا تالقىلاۋعا ءتۇستى.

كەزدەسۋ بارىسىندا ق ر پرەزيدەنتى ن.نازاربايەۆتىڭ قازاقستان حالقىنا جولداۋىندا ايتىلعان: «ءوزىنىڭ تاريحىن، ءتىلىن، مادەنيەتىن بىلەتىن، سونداي-اق زامانىنا لايىق، شەت تىلدەرىن مەڭگەرگەن، وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس» دەگەن تاپسىرماسىن ىسكە اسىرۋدىڭ كوپتەگەن مۇمكىندىكتەرى قاراستىرىلدى.

سونداي-اق، سالاماتتى ءومىر سالتىن ۇستانۋ، وتانعا، تۋعان جەرگە دەگەن قۇرمەپ پەن سۇيىسپەنشىلىك، بارشا ازامزات بالاسىنا دەگەن ىزەتتىلىك پەن سىيلاستىقتى نەگىزگە الا وتىرىپ، ەلباسىمىزدىڭ ناقتىلاپ كورسەتكەن «رۋحاني جاڭعىرۋدىڭ» ءمان-ماعىناسى «مادەنيەتىمىز بەن يدەولوگيامىزدى ودان ءارى دامىتۋىمىز كەرەك» دەگەن تۇجىرىمدى ويى تالقىعا ءتۇستى.

مەملەكەت باسشىسىنىڭ جىل سايىنعى حالىققا ارناعان جولداۋى – ەلىمىزدىڭ ودان ءارى دامۋىنا ناقتى باعدار بەرەدى. ماڭىزدى قۇجاتتا كورسەتىلگەن ءاربىر باعىتتى ءار ازاماتقا جەتكىزىپ، ءتۇسىندىرۋ – ورتاق مىندەتكە اينالعاندىقتان، حالىقارالىق دارەجەدەگى سپورت شەبەرى  ىبرايىموۆ ەرماحان ساعيۇلىمەن بىرلەسە ەلباسىنىڭ كەزەكتى جولداۋىن تالقىلاۋ، بويىمىزعا ەرەكشە رۋح ۇيالاتۋدا، جۇرەگىمىزدەگى پاتريوتتىق ماحابباتىمىزدىڭ ويانا تۇسۋىنە، جاستاردىڭ وزىندىك ناقتى ماقساتىن ايقىنداۋعا، ءبىلىمنىڭ تەڭدەسسىز بايلىق ەكەندىگىن دالەلدەي تۇسۋدەگى ەرەكشە قادامداردىڭ ءبىرى بولدى.

ەلىمىزدىڭ ماقتانىشى، حالىقارالىق دارەجەدەگى سپورت شەبەرى، سيدنەي وليمپياداسىنىڭ جەڭىمپازى – ىبرايىموۆ ەرماحان ساعي ۇلى جولداۋدى تالقىلاۋ بارىسىندا:

– ەلباسى جولداۋدىڭ ءار بولىمىندە نەگىزگى باعىتتاردى ناقتى كورسەتە وتىرىپ، قازىرگى تاڭداعى وزەكتى ماسەلەلەرگە توقتالىپ وتەدى. سونىڭ ىشىندە، قازىرگى تاڭداعى «جاڭا تاريحي كەزەڭ – رۋحاني جاڭعىرۋعا» اياق باسۋداعى نەگىزگى قادام ەكەندىگىنە توقتالادى.

ءومىر بويى ىزدەنۋ كەرەك،  رۋحاني جاڭعىرۋ ءارقايسىمىزدىڭ ءوز ءىسىمىز بەن ەڭبەگىمىزدىڭ ناتيجەسىن شىعارا بىلۋدەن باستالادى. كەز كەلگەن ازامات ءوز ماماندىعىن جوعارعى دارەجەدە مەڭگەرىپ، بىلىكتى مامان بولىپ، قوعامعا وزىندىك ۇلەسىن قوسقان جاعدايدا عانا، ءبىز رۋحاني جاڭعىرامىز، الدىڭعى قاتارلى دامىعان مەملەكەتتەردىڭ تىزىمىنەن ورىن الاتىنىمىز انىق. ال، ءبىزدىڭ ق ر ازاماتى رەتىندە نەگىزگى مىندەتىمىز – بىرىنشىدەن، كەز كەلگەن ىسىمىزگە جاۋاپ بەرۋ، وزىمىزدەن باستاۋ الۋ كەرەكتىگىمىز، ەكىنشىدەن، قاي سالانى قولعا الساق دا، سول سالانىڭ مايتالمانى، حاس شەبەرى بولۋ كەرەك ەكەندىگىمىزدە، – دەگەن پىكىرىن جەتكىزۋ ارقىلى جالىنداعان جاستار رۋحىن كوتەرە ءتۇستى. جەڭىمپازدىق لەبى، كوشباسشىلىق قاسيەتى، ءاربىر قاتىسۋشىنىڭ پاتريوتتىق سەزىمىن كۇشەيتە ءتۇستى.

ەلباسى بيىلعى جىلعى جولداۋدا دامۋدىڭ ناقتى 10 قادامىن ايقىنداپ بەردى. ونىڭ ىشىندە جاڭا ءبىلىمدى مەڭگەرۋ قابىلەتىن دامىتۋعا جول كورسەتەتىن  – ادامي كاپيتال – جاڭعىرۋ نەگىزى باعىتى بارىنەن بۇرىن وقىتۋشىلار قاۋىمىنا ەتەنە جاقىن ەكەندىگىن اتاپ ءوتۋ قاجەت. وسى تۇستاعى حالىقارالىق سپورت شەبەرى ەرماحان ساعي ۇلىنىڭ ءبىلىم ورداسىن ەرەكشە قۇرمەت تۇتۋى، سونىڭ ىشىندەگى الەمنىڭ 800 ۇزدىك ۋنيۆەرسيتەتى ىشىندە 236-ورىنعا تۇراقتاعان قازۇۋ-دىڭ ورنى ەرەكشە، مامان دايارلاۋداعى الدىڭعى قاتارداعى ۋنيۆەرسيتەت رەتىندە تانيتىن قازاق ۇلتتىق ۋنيۆەرسيتەتىن، قازاقستاندىق ازامات رەتىندە، قارا شاڭىراقتىڭ تۇلەگى رەتىندە  ماقتان تۇتاتىندىعىن ەرەكشە ماحاببات سەزىمىمەن ايتۋى، جۇرەگىمىزدە ماقتانىش سەزىمىن وياتتى.

كەزدەسۋدى شىعىستانۋ فاكۋلتەتىنىڭ دەكانى ىقتيار پالتورە مىرزا حالىقارالىق دارەجەدەگى سپورت شەبەرى، سيدنەي وليمپياداسىنىڭ جەڭىمپازى ىبرايىموۆ ەرماحان ساعيۇلىنا وقىتۋشى-پروفەسسورلار قۇرامى مەن ستۋدەنتتەرگە ارنايى ۋاقىتىن ءبولىپ كەلگەنى ءۇشىن ۇلكەن العىسىن بىلدىرە وتىرىپ، ءوز سوزىندە:

جاستارىمىز باسىمدىق بەرەتىن ماقساتتاردىڭ قاتارىندا ءبىلىم جۇيەسى ءاردايىم ءبىرىنشى كەزەكتەگى ورىندا تۇرادى. مەملەكەتىمىزدىڭ ۇلتتىق جاڭعىرۋى – ۇلتتىق سانامەن تىعىز بايلانىستى. ونىڭ تۇپكى ماقساتى – ۇلتتىق بىرەگەيلىكتى ساقتاپ، ەل ىشىندە بەيبىتشىلىك پەن كەلىسىم ۇيلەسە وتىرىپ، ۇلتتىق بەرەكە، بىرلىك سالتانات قۇرعان باسەكەگە قابىلەتتى، تابىستى جاستار بولا ءبىلۋ. ال، تابىستىڭ كىلتى – رۋحى مىقتى، ءبىلىمدى ءارى بىلىكتى ازاماتتاردىڭ قولىندا بولاتىنى اقيقات.  ءبىز ءۇشىن جاڭا زامانعا ساي ورلەۋ باعىتىن دامىتاتىندىعىمىز بەن جولداۋدا ناقتى كورسەتىلگەن 10 مىندەتتى ورىندالۋىنا ۇلەس قوسا ءبىلۋ – دەي كەلە:

– ەلىمىزدىڭ رۋحاني جاڭعىرۋى ءسىز سەكىلدى ازاماتتاردىڭ بارىندا، وڭ ناتيجە بەرەتىندىگىن سەنىممەن ايتا الامىز. قازاقستاننىڭ بولاشاعى – ءبىلىمدى ۇرپاق ءبىزدىڭ جانە بويىمىزعا ماقتانىش سەزىمىن ۇيالاتاتىن، ءسىز سەكىلدى الەمدىك چەمپيون ازاماتتارىمىزدىڭ ارقاسىندا جارقىن بولاتىندىعىنا سەنەمىز. سول سەبەپتى، ءبىز جانە ءسىز بولىپ، «ءبىر جاعادان باس، ءبىر جەڭنەن قول شىعارىپ» بىرلىكتە كەزەكتى جولداۋدى ورىنداۋىمىز اسا قاجەت. باسەكەگە قابىلەتتى، الەمدىك دەڭگەيدە تانىلعان ءارى دامىعان رۋحاني كەمەل ەل بولۋ – ەلباسىنىڭ اسىل ارمانى. ەندەشە، مەملەكەت باسشىسىنىڭ جاستارعا سونى سەرپىن، تىڭ باستاما ۇسىنۋى كەلەشەككە قامدانۋدىڭ ارەكەتى دەپ تۇسىنەمىز – دەدى.

ەلباسى ن.ءا. نازاربايەۆ: «جاڭا جاعدايدا جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى»، - دەپ ەل كەلەشەگىنە ءۇمىت ارتادى.  سوندىقتان دا، ءبىزدىڭ ازاماتتىق بورىشىمىز – رۋحاني جاڭارۋ ارقىلى الەم مويىندار تابىستى ەل بولىپ، جارقىن بولاشاققا بىرلىك تۋى استىندا بىرگە جەتۋ، الدىمىزدا كەدەرگىلەردى جۇمىلا ەڭسەرە الۋ بولىپ تابىلسىن!

شىعىستانۋ فاكۋلتەتى

تۇركسوي كافەدراسى

ب. ب. ەشمەتوۆا