"قازاقفيلم" كينوستۋدياسىنىڭ جاڭا پرەزيدەنتى تاعايىندالدى. ول - قازاقستانعا ەڭبەگى سىڭگەن قايراتكەر، اقىن، سەنارييشى، كينورەجيسسەر، قازاق ادەبيەتىنىڭ اتاقتى اۋدارماشىسى باقىت قايىربەكوۆ، - دەپ حابارلايدى Tengrinews.kz.

"ءقازاقفيلمنىڭ" جاڭا باسشىسى ورتالىق كوممۋنيكاسيالار قىزمەتىندە "قازاقستان رەسپۋبليكاسىنىڭ مادەني ساياساتىنداعى ەڭ وزەكتى مىندەتتەر" دەگەن تاقىرىپتا وتكەن بريفينگ بارىسىندا تانىستىرىلدى. باقىت قايىربەكوۆ جۋرناليستەرگە ءقازىر قازاق حاندىعىنىڭ قۇرىلۋ تاريحى تۋرالى 10 سەريالىق كوركەم جانە دەرەكتى فيلم تۇسىرىلىمىنە دايىندىق جۇمىستارى ءجۇرىپ جاتقانى تۋرالى ايتتى.

"ول (فيلم - اۆتور.) - بىرەۋ، تەك 10 بولىمنەن تۇرادى. ءبىزدىڭ تۇڭعىش رەت تەك البىرت قانا ءابىلقايىر نەمەسە ابىلاي مىنانداي بولعان دەمەي، كوشپەلى ءومىردىڭ ەرەكشەلىگى تۋرالى كەڭىنەن ايتىپ، ءبىزدىڭ كوشباسشىلاردىڭ كورشى مەملەكەتتەردە بولىپ جاتقان جاعدايلارعا بايلانىستى قارسى تۇرا العان ساياساتىنىڭ ءرولى قانداي بولدى جانە وسى نەگىزدە قازاق حاندىعى قالاي قۇرىلعانى تۋرالى كورسەتۋگە مۇمكىندىگىمىز بار. ءبىز بۇل مەملەكەتتى قۇرۋعا نە سەبەپ بولعانى تۋرالى ايتقىمىز كەلەدى"، - دەدى "قازاقفيلم" پرەزيدەنتى.

ايتا كەتەيىك، باقىت قايىربەكوۆ - ماسكەۋدەگى ماكسيم گوركيي اتىنداعى ادەبيەت ينcتيتۋتى مەن كسرو-داعى گوسكينو اتىنداعى سەنارييشىلەر مەن رەجيسسەرلاردىڭ جوعارى كۋرستارىنىڭ تۇلەگى. ول ءوسىپ كەلە جاتقان ۇرپاققا ارنالعان بىرنەشە ولەڭ جيناق پەن كىتاپتىڭ اۆتورى: "كوشپەندىلەر الەمى. قازاقشا ەتيكەت" جانە "قازاق ءتىلىنىڭ قىزىقتى ەتيمولوگياسى". بۇعان دەيىن "ءبىلىم جانە مادەنيەت" تەلەارناسىن باسقارعان. ماحامبەت وتەمىسوۆ سىيلىعىنىڭ لاۋرەاتى، "قۇرمەت" وردەنىنىڭ يەگەرى، "بىرگە جەڭدىك" ءىىى حالىقارالىق تەلەكينوفەستيۆالىندە "316-ايا سترەلكوۆايا" كينولەنتاسىمەن گران-پريدى يەلەندى.

ەسكە سالا كەتەيىك، شاكەن ايمانوۆ اتىنداعى "قازاقفيلم" كينوستۋدياسىنىڭ بۇرىنعى پرەزيدەنتى ەرمەك امانشايەۆ 2014 جىلى جەلتوقساندا استانا اكىمىنىڭ ورىنباسارى بولىپ تاعايىندالدى. ول ستۋديانى 2008 جىلدان باستاپ باسقاردى.

tengrinews.kz