قازىرگى تاڭدا قازاقستاندىق تانىمال ۆولەيبولشى سابينا التىنبەكوۆا سپورت الەمىنەن كوپتەگەن ۇسىنىستار قابىلداپ جاتىر. سونىڭ ءبىرى سابينا التىنبەكوۆا يندونەزيادا ايەلدەر اراسىنداعى ۆولەيبولدىڭ دامۋىنا ۇلەس قوسۋى مۇمكىن.

يندونەزيادا بۇل سپورت تۇرىنە دەگەن قىزىعۋشىلىق بولماعاندىقتان، ۆولەيبولدان ايەلدەر كومانداسى 2011 جىلى جابىلىپ قالعان ەدى.

ءبىراق 2014 جىلدىڭ سوڭىندا يندونەزيا ۆولەيبول فەدەراسياسىنا Pertamina اتتى مۇناي-گاز كومپانياسى دەمەۋشىلىك جاساي باستادى. بۇل كومپانيا ەلدەگى ۆولەيبولدى قايتا دامىتۋعا ۇمتىلىپ، تىپتەن،سابينا التىنبەكوۆانى شاقىرۋدى دا كوزدەپ وتىر.

"ءبىز قاجەت بولسا سابينا التىنبەكوۆانى الىپ كەلۋگە تىرىسامىز. ءبىراق ونى الىپ كەلسەك، ول كلۋبتاردىڭ بىرىندە ويناماۋى مۇمكىن. بۇل ارقىلى ءبىر كلۋب كۇشەيىپ كەتەدى. ونىڭ ۇستىنە، ونىڭ تۇرعىلىقتى جەرىمەن قيىندىقتار تۋۋى مۇمكىن، سوندىقتان ونى شاقىرۋ ءۇشىن قوسىمشا قارجى قاجەت بولادى، ءبىز الدىمەن سابينانى وسى جىلى قوناق رەتىندە شاقىرماقپىز. ونىڭ يندونەزيادا كورەرمەنى كوپ، سول ءۇشىن يندونەزيادا ايەلدەر اراسىنداعى ۆولەيبولعا دەگەن قىزىعۋشىلىق ويانادى دەپ ۇمىتتەنەمىن،»-دەيدى Pertamina كومپانياسىنىڭ ماركەتينگ جونىندەگى ديرەكتورى احماد بامبانگ.

ايتا كەتەلىك، 18 جاستاعى سۇلۋ دا سىمباتتى ۆولەيبولشى قىز سابينا التىنبەكوۆا ازيادا 2014 جىلى تانىمال بولعان ەدى. سونداي-اق بۇل ازيا چەمپيوناتىندا ونىڭ سۇلۋلىعىنا اسىرەسە جاپون جانكۇيەرلەرى مەن جۋرناليستەرى نازار اۋدارىپ، بۇدان كەيىن قازاقستاندىق جاس سپورتشى اتاقتى بولا كەتتى. تىپتەن جاپوندىقتار ارنايى سابينا التىنبەكوۆاعا ارناپ فان –كلۋبتاردى دا اشىپ ۇلگەردى.

سونىمەن قاتار، تاياۋدا سپورتشى قىز توكيو قالاسىنا ۆولەيبولدان جاپونيادا وتەتىن چەمپيوناتتىڭ اياسىندا بولاتىن شارالارعا شاقىرىلدى. كەزدەسۋ اياسىندا سابينا التىنبەكوۆا جاپون سپورتشىلارىمەن تاجىريبە الماستى.

نازەركە توعجانوۆا دەرەككوز: tengrinews.kz