«تاريح قايتالانادى» دەگەنگە تاعى ءبىر كوزىم جەتىپ وتىر. كەشەگى ينتەرناسيوناليزم – تولەرانتتىق تۇسىنىگىنە، كۇن كوسەم (ءيليچتىڭ جارىعى دەسەك تە بولادى) – نۇر ۇعىمىنا اينالدى. ءسوزدىڭ سىرتقى ماعىناسى عانا دەمەسەڭىز مازمۇنى وزگەرمەگەن سەكىلدى. مۇنى ماتەماتيكادا قوسىلعىشتاردىڭ ورىنى اۋىسقانمەن، قوسىندى وزگەرمەيدى دەۋشى مە ەدى، قالاي ەدى ءوزى؟
ايتقىمىزدىڭ كەلگەنى بۇل ەمەس ەدى ءدۇر...
بۇرناعىنى تىزبەگەندە، مەشىن جىلى مەشەل حالگە ءتۇسىپ قالجىراپ تۇرعان قازاقتى رەپرەسسيا جاراقاتى رەانيماسيادان ءبىراق شىعاردى. ءقازىر دە قازاق جانساقتاۋ بولىمىندە (ءومىر مەن ءولىم اراسىندا) جاتىر. قاتتى سوققىدان قىرۋار قان جوعالتقان بۇل ءميلاتتىڭ ميى شايقالىپ، ءتىلى كۇرمەلدى (ءوز ءتىلىمىز بەن دىلىمىزدەن ءوزىمىز جەرىگەن بۇگىنگى بەيشارا بەينەمىز سونىڭ سالدارى). ەندەشە ەسىنەن تانعان قازاقتىڭ اجالىنا اراشا، قانى مەن جانىنا دونور بولار جانكەشتى ازاماتتار قاجەت-اق شىركىن!..
