ءسۇيىنشى قازاق ەلى! قازاقستان شاڭعىشىلارى ەل قۇراماسىنىڭ قورجىنىنا 2015 جىلعى قىسقى ۋنيۆەرسيادانىڭ ءتورتىنشى مەدالىن سالدى.

ولار: اننا ستويان، ۆيكتوريا لانچاكوۆا جانە اناستاسيا سلونوۆا.العا قويىلعان ءۇش تە بەس شاقىرىمدىق ەستافەتادا ءبىزدىڭ قىزدارىمىز ەكىنشى بوپ كەلدى. ال ءبىرىنشى ورىن رەسەي قۇراماسىنا بۇيىردى.

سالىستىرما ءۇشىن،شاڭعىشىلارىمىزدىڭ ۋاقىتى - 48 مينۋت 30،7 سەكۋندتى قۇراسا، رەسەيلىكتەر بۇل قاشىقتىقتى 43،6 سەكۋندتا باعىندىردى.

ايتا كەتەلىك، قازاقستان قۇراماسىنىڭ قورجىنىندا ازىرگە بارلىعى 4 مەدال بار. ەكى التىن،جانە ەكى كۇمىس. ال جالپىكوماندالىق ەسەپتە ەلىمىز رەسەيدەن كەيىن ەكىنشى ورىنعا تابان تىرەدى. الەمدەگى قارجىلىق جاعدايعا بايلانىستى ححVII قىسقى ۋنيۆەرسيادا ەكى ەلدە ءوتىپ جاتىر -يسپانيا مەن سلوۆاكيادا .

ۋنيۆەرسيادا 14 اقپانعا دەيىن سوزىلادى. ۋاقىت بار. ەندەشە، الدا ونەر كورسەتەتىن قازاق سپورتشىلارىنا ساتتىلىك تىلەيمىز!

نازەركە توعجانوۆا