قاراعاندى وبلىستىق ىشكى ىستەر دەپارتامەنتى كامەلەتكە تولماعان قىزدىڭ Lexus اۆتوكولىگىن جۇرگىزگەنى تۇسىرىلگەن بەينەروليككە قاتىستى تۇسىنىك بەردى، - دەپ حابارلايدى Tengrinews.kz ءتىلشىسى. Lexus قىزدىڭ اناسىنا تيەسىلى ەكەنى كەيىن انىقتالعان بولاتىن.

"بۇل دەرەك بويىنشا جول قوزعالىسى ەرەجەلەرىن بۇزۋعا جول بەرگەنى ءۇشىن، ياعني كولىك قۇرالىن ونى باسقارۋعا قۇقىعى جوق ادامنىڭ جۇرگىزگەنى ءۇشىن جۇرگىزۋشىگە، 1998 جىلى تۋعان قىزعا قاتىستى اكىمشىلىك حاتتاما تولتىرىلدى. كولىك قۇرالىن باسقارۋدى باسقارۋ قۇقىعى جوق ادامعا بەرگەنى جانە جولاۋشىلاردى تاسىمالداۋ ەرەجەلەرىن ساقتاماعانى ءۇشىن قىزدىڭ اناسىنا قاتىستى ەكى اكىمشىلىك حاتتاما تولتىرىلدى"، - دەپ حابارلايدى وبلىستىق ىشكى ىستەر دەپارتامەنتىنىڭ باسپا ءسوز قىزمەتى.

ەسكە سالا كەتەيىك، بۇل ۆيدەو YouTube-تە جاريالانعان بولاتىن، وعان وقۋشى قىزدىڭ Lexus كولىگىنە جاقىنداپ، ونىڭ ەسىگىن سەنىمدى تۇردە اشقانى تۇسىرىلگەن. سودان كەيىن ونىڭ قاسىنا بالاسى بار ايەل كەلەدى. از-ماز سويلەسكەننەن قىز مەكتەپ سومكەسىن كولىكتىڭ ارتقى ورىندىعىنا تاستاپ، رۋلگە وتىرادى. بالاسى بار ايەل ونىڭ جانىنداعى ورىنعا جايعاسادى. ماشينا ورنىنان قوزعالىپ، سەنىمسىز تۇردە ءجۇرىپ كەتەدى.

كەيىن قىزدىڭ اناسى Lexus اۆتوكولىگىن قىزىنا تەك اۋلادا عانا جۇرگىزۋگە رۇقسات بەرگەنىن ايتتى. ول كەزدە پوليسيا قىزدىڭ اناسىنىڭ جازالاناتىنىن حابارلاعان ەدى.

tengrinews.kz