قازاق ەگمەن ەل بولعاننان باستاپ كوشى-قون ماسەلەسى وزەكتىلىگىن جويعان جوق. بۇگىنگى كۇندە شەتەلدە، اسىرەسە جۇڭگو ەلىندە تۇرىپ جاتقان قانداستارىمىزدىڭ بۇل ماسەلەگە ويى قانداي، ولار قازاق ەلىنە كوشىپ كەلگىسى كەلە مە دەگەن سۇراق توڭىرەگىندە جاسالعان الەۋمەتتىك ساۋالنامانىڭ ناتيجەسى شىقتى.

Wechat الەۋمەتتىك جەلىسى ارقىلى جۇرگىزىلگەن ساۋالناما بويىنشا قىتايداعى قانداستارىمىزدىڭ قازاقستانعا قانشاسىنىڭ كوشكىسى كەلەتىنىن تەكسەرگەن. ساۋالداما 29 قاڭتاردان 2 اقپانعا دەيىن «قازاقستانعا كوشۋ كەرەك پە؟» دەگەن سۇراققا «كوشۋ كەرەك» دەپ 6071 ادام داۋىس بەرىپ، 79% قاتىسۋشىنىڭ ەلگە كوشۋدى ويلاپ جۇرگەنى، «كەرەك ەمەس» دەپ 671 ادام داۋىس بەرسە، 8% قاتىسۋشى قىتايداعى قازاقتىڭ ەلگە ورالۋعا ءالى دايىن ەمەس ەكەنىن كولدەنەڭ تارتقان. «ماعان ءبارى ءبىر» باتىرماسىن 896 ادام باسقان، 11% داۋىس بەرۋشى ناقتى ءبىر شەشىم قابىلداماعانىن بىلدىرگەن.

Wechat الەۋمەتتىك جەلىسىنىڭ قىتايداعى قولدانۋشىلار ورتاسىنداعى تانىمالدىعى Facebook جەلىسىنەن كەم ەمەس ەكەنىن ەسكەرسەك، بۇل ساۋالداما ناتيجەسى شىنىققا جاناسادى دەپ سەنىمدى تۇردە ايتۋىمىزعا بولادى. كوشى – قون زاڭدارىمىز كەمەلدەنىپ، ەلگە كەلەم دەگەن قازاقتىڭ جولى اشىلىپ ءبىر شاڭىراق استىنا جينالۋىمىزدى ءناسىپ ەتسىن!

تۇردىبەك قۇرمەتحان