الماتىلىق جىگىت قىزدار اراسىنداعى Miss Virtual Kazakhstan - 2018  سۇلۋلىق بايقاۋىنا قاتىسىپ، فينالعا جەتتى. بۇل تۋرالى Qamshy.kz اقپارات اگەنتتىگى  سپۋتنيك قازاقستان مالىمەتىنە سۇيەنىپ حابارلايدى.

وقيعانىڭ باستى كەيىپكەرى – 22 جاستاعى جىگىت. يلاي دياگيليەۆ بايقاۋعا ءوزىنىڭ سۋرەتتەرىن جىبەرگەن. جاس جىگىتتىڭ شىمكەنتتىك ارۋ  ارينا الييەۆانىڭ وبرازىنداعى سۋرەتتەرى كوپتەگەن قازاقستاندىقتاردىڭ كوڭىلىنەن شىققان.  سول ارقىلى ول فينالعا وتكەن.

«دوستارىمنىڭ اراسىندا  سۇلۋلىق جايلى داۋ بولدى. سول كەزدە مەن  وسى بايقاۋعا قاتىسامىن دەپ شەشتىم. ءوزىم تابيعي سۇلۋلىقتى جاقتايتىنداردىڭ قاتارىنانمىن. بۇگىندە قىزداردىڭ باسىم كوپشىلىگى بىردەي بويانادى، بىردەي كيىنەدى جانە وزدەرىن ءسان قۋىپ ءجۇرىپ سۇلۋ سانايدى. ال مەن ولاي ويلامايمىن»،- دەيدى يلاي دياگيليەۆ.

«بارلىعى شەكتەن شىعىپ كەتكەندىكتەن، فينالعا جەتكەن كەزدە ارينا الييەۆانىڭ وبرازىن اشۋدى ءجون سانادىم.  باستاپقىدا قازاقستان بويىنشا بۇل بايقاۋعا ءتورت مىڭ ءوتىنىش تۇسكەن، سونىڭ ىشىندە مەن فينالعا ءوتتىم»،- دەيدى وقيعانىڭ كەيىپكەرى.

قازاقستاندىقتاردىڭ باسىم كوپشىلىگى جىگىتتىڭ بۇل ارەكەتىن قولداعان كورىنەدى.

"مەن قىزداردىڭ بەينەسىنە ەنىپ، ادامداردى الداۋعا شاقىرمايمىن. مەن تەك ءار ادامنىڭ وزىنە ءتان شىنايىلىعى مەن جەكە تۇلعا رەتىندە وزىندىك بولمىسى بولعانىن قالايمىن. قوعامداعى بىرتەكتى بەينەلەردىڭ كوبەيگەنىنە قارسىمىن"،- دەپ اياقتادى ءسوزىن ي. دياگيليەۆ. 

ايتا كەتسەك، يلاي دياگيليەۆ الماتىدا مودەل بولىپ جۇمىس ىستەيدى.