ورتالىق كوممۋنيكاسيالار قىزمەتىندە استانا قالاسىندا جول قوزعالىسى قاۋىپسىزدىگىن قامتاماسىز ەتۋگە ارنالعان باسپا ءسوز كونفەرەنسياسى ءوتتى، دەپ جازادى Qamshy.kz اقپارات اگەنتتىگى.
ءىس-شاراعا استانا قالاسى ءىىد جەرگىلىكتى پوليسيا قىزمەتىنىڭ باستىعى پوليسيا پولكوۆنيگى باقىتجان مالىبايەۆ، استانا قالاسى ءىىد جەرگىلىكتى پوليسيا قىزمەتى باستىعىنىڭ ورىنباسارى پوليسيا پولكوۆنيگى تاحير ابدۋراحمانوۆ، استانا قالاسى ءىىد اكىمشىلىك پوليسيا باسقارماسى اۆتوماتتاندىرۋ جانە ەلەكتروندىق قىزمەت كورسەتۋ بولىمشەسىنىڭ باستىعى پوليسيا پودپولكوۆنيگى نۇرجان اديلوۆ، استانا قالاسى ءىىد اكىمشىلىك پوليسيا باسقارماسى تىركەۋ-ەمتيحان جۇمىسى ءبولىمىنىڭ باستىعى پوليسيا مايورى ەلدار دانياروۆ، استانا قالاسى ءىىد اكىمشىلىك پوليسيا باسقارماسى جول تەحنيكالىق ينسپەكسيا ءبولىمىنىڭ ەرەكشە تاپسىرمالار جونىندەگى اعا ينسپەكتورى پوليسيا پودپولكوۆنيگى باحىتجان التىباي قاتىستى.
بۇگىنگى كۇنى قالانىڭ كوشە-جول جەلىلەرىنىڭ جالپى اۋماعى 1146، 6 كم. قۇرايدى. بىلتىر پوليسيا قالانىڭ كوشە-جول جەلىلەرىنە 320 رەت تەكسەرىس جۇرگىزگەن، تەكسەرىس بارىسىندا 15 مىڭ كيلومەتر جەر قامتىلعان. تەكسەرىس ناتيجەسى بويىنشا استانا قالاسى جولاۋشىلار كولىگى جانە اۆتوموبيل جولدارى باسقارماسىنا، اۋدان اكىمدىكتەرىنە جانە باسقا دا مۇددەلى ورگاندارعا 422 ۇيعارىم بەرىلگەن. جاۋاپتى ادامداردىڭ جۇمىس جۇرگىزۋ كەزىندە جول قوزعالىسى قاۋىپسىزدىگىن قامتاماسىز ەتۋ، سونداي-اق كوشە-جول جەلىلەرىن كۇتىپ-ۇستاۋعا جاۋاپتى ادامداردىڭ تالاپتاردى ورىنداماعانى ءۇشىن 224 لاۋازىمدى ادام جاۋاپقا تارتىلدى.
كەنەسارى كوشەسىندە «مەركۋر» اۆتوسالونى، ەسەنبەرلين كوشەسىندە – كىىد، قاراساي باتىر كوشەسىندە – «اۋريكا» اجس، اباي داڭعىلى - ا. مامبەتوۆتا قازاقستان رەسپۋبليكاسىنىڭ قولدانىستاعى نورمالارىنىڭ تالاپتارىنا جاۋاپ بەرمەيتىن رەتتەلمەيتىن جاياۋ جۇرگىنشىلەر وتپەسى الىنىپ تاستالدى. سونداي-اق وتكىزۋ قابىلەتتىلىگىن كوبەيتۋ ماقساتىندا 8 ۋچاسكەدە جەكە بولىنگەن وڭ جاقتى قوزعالىس جولاقتارىنىڭ قۇرىلىسى جۇرگىزىلدى. قالا كوشەلەرىنىڭ 12 ۋچاسكەسىندە «Bus Line» قوعامدىق كولىكتەرى ءۇشىن بولىنگەن جولاقتار قولدانىلادى.
جىلدان جىلعا ججە-نى بۇزۋدى جازىپ الۋدىڭ اۆتوماتتى جۇيەسى جەلىسى كەڭەيۋدە. قازىرگى ۋاقىتتا قالادا جىلدامدىق رەجيمىن جازىپ الاتىن «Red Speed» ستاسيونارلىق جىلدامدىق ولشەۋىشى، «Vocord» اپپارات كەشەنى، «ينتەگرا كدد» جول قوزعالىسىن باقىلاۋ جۇيەسى سياقتى 115 جۇيە ورناتىلعان.
«مەملەكەتتىك جەكە سەرىكتەستىك» جوباسىن ىسكە اسىرۋ اياسىندا ەلوردادا 2017 جىلدىڭ قازانىنان باستاپ 20 جەلىلىك جول ۋچاسكەسىندە «Bus Line» بويىنشا بۇزۋشىلىقتاردى جازىپ الاتىن «سەرگەك» اپپاراتتىق-باعدارلامالىق كەشەنى پايدالانۋعا ەنگىزىلدى. كەشەن جول قوزعالىسىن تاۋلىك بويى اۆتوماتتى باقىلاۋ مۇمكىندىگىن ۇسىنادى، سونداي-اق كولىك قۇرالدارىنىڭ ججە-نى بۇزۋىن قاشىقتان جازىپ الۋعا ارنالعان. «سەرگەك» اپپاراتتىق-باعدارلامالىق كەشەنىن ەنگىزۋ قالادا جول-كولىك وقيعالارى سانىنىڭ قىسقارۋىنا ايتارلىقتاي ىقپال ەتتى. 2017 جىلدىڭ قورىتىندىسى بويىنشا تومەندەۋ 1.7 %-دى قۇرادى. «سەرگەك» ابك ىسكە قوسىلعاننان باستاپ 2017 جىلدىڭ اياعىنا دەيىن 242 ملن. تەڭگەدەن استام سوماعا 35 مىڭنان استام قۇقىق بۇزۋشىلىق وڭدەلدى. اعىمداعى جىلى 9 ميلليوننان استام تەڭگەگە 1580 قۇقىق بۇزۋشىلىق تىركەلدى.
جول قوزعالىسىن قاداعالاۋدى جۇزەگە اسىرۋ كەزىندە جول قيىلىسىنان ءوتۋ قاعيداسىن بۇزۋ، اپاتتىلىق جاعدايىن تۋدىرۋ، قوزعالىستىڭ قارسى جولاعىنا شىعۋ، جىلدامدىق رەجيمىن ارتتىرۋ، كولىك قۇرالىن ماس كۇيدە باسقارۋ سياقتى اپاتتىلىققا اكەپ سوقتىراتىن ججە-نى بۇزۋشىلىققا ەرەكشە كوڭىل بولىنەدى. 2017 جىلى 197 مىڭنان استام جول قوزعالىسىن بۇزۋشىلىق انىقتالدى، بارلىق فوتو-بەينەتىركەۋ جۇيەسى 939 ملن. تەڭگەدەن استام سوماعا 60 مىڭعا جۋىق قۇقىق بۇزۋشىلىقتى تىركەگەن.
2017 جىلدىڭ ىشىندە كوشەدەگى جول-كولىك وقيعالارىن جانە ولاردىڭ سالدارىنان بولاتىن اۋىرتپالىقتى قىسقارتۋ، جول قوزعالىسى قاعيداسىنىڭ تالاپتارىن ەلەمەيتىن جۇرگىزۋشىلەردى انىقتاۋ ماقساتىندا استانا قالاسىنىڭ پوليسەيلەرى «ءقاۋىپسىز جول»، «اۆتوبۋس»، «سوڭعى قوڭىراۋ»، «جولداعى بالالار قاۋىپسىزدىگى»، «جول قوزعالىسى قاۋىپسىزدىگىنىڭ ونكۇندىگى»، «ماس جۇرگىزۋشى»، «قۇقىقتىق ءتارتىپ» سياقتى جانە باسقا دا جەدەل-الدىن الۋ ءىس-شارالارى وتكىزىلدى.
