WhatsApp كوپتەن كۇتىلگەن تەلەفون سوعۋ قىزمەتىن قوسىپ جاتىر. بۇل قىزمەت تۇرىمەن ينتەرنەت ارقىلى Skype نەمەسە Viber سياقتى دىبىستىق قوڭىراۋ شالۋعا جانە دوستارىڭىزبەن سويلەسۋگە بولادى. دىبىستىق قوڭىراۋ شالۋ قىزمەتى ىسكە قوسىلا باستادى، ءبىراق ءبىرىنشى كەزەكتە تەك Android جۇيەسىنىڭ پايدالانۋشىلارى ءۇشىن. كەشە كەشكە جاڭا فۋنكسيانىڭ بىرنەشە سكرينشوتتارى Reddit سايتىندا پايدا بولدى. وندا ايتىلۋىنشا پايدالانۋشىلار تەلەفون بەلگىسىن باسۋ ارقىلى دوستارىنا وڭاي تەلەفون سوعا الادى. قازىرگە فۋنكسيا تەك ينۆايت بويىنشا قوسىلادى. ال ينۆايت تەلەفون سوعۋ ارقىلى بەرىلەدى. ياعني، ول فۋنكسيا قوسىلۋى ءۇشىن سىزگە ءبىر دوسىڭىز تەلەفون سوعۋى كەرەك. جانە جاڭارتۋدى apk تۇرىندە سايتتان الۋعا تۋرا كەلەدى (Google Apps-تان ەمەس). ارينە، بۇلاردىڭ بارلىعى ۋاقىتشا جانە تەستىلەۋ ءۇشىن ارنالعان.

«بۇنى ينۆايت دەپ تۇسىنۋگە بولادى. ەگەر ءسىز باسقا ادامعا تەلەفون شالعىڭىز كەلسە، ول ادامعا الدىمەن ينۆايت بەرۋىڭىز قاجەت» دەيدى pradnesh07 اتتى Reddit سايتىنىڭ پايدالانۋشىسى.

وسى پايدالانۋشىنىڭ ايتۋى بويىنشا Android جۇيەسى ءۇشىن دە شەكتەۋلەر بار. مىسالىعا، ول جۇمىس جاساۋى ءۇشىن Android-تىڭ ەڭ سوڭعى نۇسقاسى بولۋى كەرەك، ال ەگەر سىزدە Google Nexus 5 بولسا Android 5.0.1 Lollipop جۇيەسى قاجەت بولادى. دۇنيە جۇزىندەگى ەڭ تانىمال مەسسەندجەر دىبىستىق قوڭىراۋ شالۋ قىزمەتىن قوساتىنى تۋرالى وتكەن جىلى جاريالاعان بولاتىن. ءبىراق، الىگە دەيىن ول تۋرالى ەشقانداي اقپارات بەرىلمەگەن ەدى. ەندى بۇل قىزمەت ءتۇرى تەز ارادا بۇكىل پايدالانۋشىلارعا قولجەتىمدى بولادى دەگەن ۇمىتتەمىز.

دەرەككوز: codeo.kz