2015 جىل مەملەكەتتىك قازىناسىنا قول سۇعىپ، بەلگىلەنگەن نىساندارعا بولىنگەن قارجىنى قالتاعا باسام دەپ تەمىر تورعا توعىتىلعان پاراقور شەنەۋنىكتەر جاپپاي بوستاندىققا شىعۋى مۇمكىن دەگەن حابار تاراتتى 365infو.kz سايتى.

جاڭا قىلمىستىق كودەكستە وسىنداي كەڭشىلىكتەر قاراستىرىلعان. سەبەبى جاڭا قىلمىستىق كودەكستە پارامەن ۇستالعاندارعا جەڭىلدىكتەر قاراستىرىلعان-دەيدى ادۆوكات دجوحار ۋتەبەكوۆ. پارا سوماسىنىڭ كولەمى قانشا بولماسىن سوت ايىپپۇل سالۋمەن شەكتەلەدى مىس. تەك قىلمىسكەر سالىنعان ايىپپۇلدى تولەي قويا ما دەگەن سۇراق تۋىندايدى. قالاي بولعان كۇندە دە ول باس بوستاندىعىنان ايىرىلمايدى. ال قازىرگى قكدە كورسەتىلگەن ايىپ قاتال. پاراقور قانشا كولەمدە اقشامەن ۇستالسا دا مىندەتتى تۇردە تەمىر تورعا قامالاتىن ەد. ال جەڭىلدەتىلگەن قك ىسكە اساتىن بولسا قازىرگى ۋاقىتتا جازاسىن وتەپ جاتقان بارلىق پاراقورلارعا بوستاندىققا شىعۋعا ۇلكەن مۇمكىندىك تۋادى دەيدى ۋتەبەكوۆ. الايدا قىلمىسكەرلەردىڭ جازاسىنىڭ جەڭىلدەتىلۋى سوت ورىنداۋشىعا بايلانىستى ەكەنى ءمالىم.

قاي "دوكەيدىڭ" ءىسى قايتا قارالۋعا جىبەرىلۋى مۇمكىن؟

مىسالى 70 مىڭ دوللاردى جىمقىرام دەپ ۇستالعان جوعارعى سوتتىڭ ەكس ءتوراعالارى سايلاۋبەك جاكىشيەۆ 12 جىلدى جۇكتەگەن بولسا، ونىڭ سىبايلاسى الماس تاشەنوۆ 10 جىلدى ارقالاعان ەد. نەمەسە ارىپتەسىن مەملەكەتتىك قىزمەتكە ورنالاستىرۋ ءۇشىن 80 مىڭ دوللار پارا الام دەپ قامالعان، سول قىلمىسىنىڭ جازاسىنا 10 جىلدى ارقالاعان كەدەن كوميتەتىنىڭ بۇرىنعى باستىعى جانە ءىىد بۇرىنعى ءمينيسترى سەرىك بايماعامبەتوۆ پە؟ جەڭىلدىكتەن ۇمىتكەرلەردىڭ قاتارىندا ارەمنىڭ بۇرىنعى باسشىسى مۇرات وسپانوۆ تا بار. ول 300 مىڭ دوللار پارا الدى دەگەن كۇدىكپەن ۇستالعان بولاتىن. نە دە بولسا ايلاسىن اسىرىپ، كوپ اسيمىن دەپ جوق اساعان پاراقور شەنەۋنىكتەردىڭ كۇنى وڭىنان تۋاتىن بولدى. الدىن الا جورامالدارعا سەنسەك امنيسياعا ىلىككەندەردىڭ الدىڭعى لەگى اقپان-ناۋرىز ايلارىندا بوستاندىققا شىعىپ قالۋى ىقتيمال.

نۇركەلدى ءابدىعاني ۇلى