قانات ساحاريانوۆ Atameken Business Channel تەلەارنانىڭ باس ديرەكتورى بولىپ تاعايىندالدى، دەپ حابارلايدى Qamshy.kz اقپارات اگەنتتىگى.  بۇل تۋرالى «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ باسپا ءسوز قىزمەتى حابارلادى. 

وسىعان دەيىن قانات ساحاريانوۆ Atameken Business Channel باقىلاۋ كەڭەسىنىڭ ءتوراعاسى جانە «اتامەكەن» ق ر ۇكپ باسقارۋشى ديرەكتورى قىزمەتىندە بولدى.

 قانات ساحاريانوۆ ءار جىلدارى «كتك» تەلەارناسىنىڭ باس ديرەكتورى، «حابار» اق اگەنتتىگىنىڭ باسقارما ءتوراعاسىنىڭ ورىنباسارى، سونىمەن قاتار «قازمەديا ورتالىعى» باسقارۋشى كومپانياسى» ج ش س باس ديرەكتورى قىزمەتتەرىن اتقاردى.

 Atameken Business Channel تەلەارناسى دامۋىنداعى ماڭىزدى قادام رەتىندە 2018 جىلدىڭ قاڭتارىندا تەلەارنانىڭ استانا حالىقارالىق قارجى ورتالىعى جانە تاۋلىك بويى اقپارات تاراتاتىن تەلەارناسى بار، ىسكەرلىك جانە قارجىلىق اقپاراتتى تاراتاتىن الەم كوشباسشىلارىنىڭ ءبىرى بولىپ سانالاتىن Bloomberg كومپانياسىمەن جاساعان ءۇشجاقتى كەلىسىمدى اتاۋعا بولادى. وسىلايشا Atameken Business Channel استانا حالىقارالىق قارجى ورتالىعىنىڭ رەسمي سەرىكتەسى اتانىپ، Bloomberg-پەن ءبىر تولقىندا تىكەلەي اقپارات پەن تاجىريبە الماسۋعا مۇمكىندىك الدى.  

 Atameken Business Channel – بۇل ەكى قالا: استانا مەن الماتىدان اقپارات تاراتاتىن تۇڭعىش قازاقستاندىق بيزنەس تەلەارنا. Atameken Business Channel ينتەرنەت پەن تەليەۆيزيا سىندى نەگىزگى كونتەنتتى پلاتفورمالاردا بار. تەلەارنا قازاقستاننىڭ، سونىمەن قاتار ەاەو،تمد جانە ءالىمنىڭ  ىسكەرلىك اقپاراتىن تاراتۋشى رەسۋرس. ستۋديانىڭ قوناقتارى جەتەكشى ساراپشىلار – بيزنەسمەندەر، كاسىپورىندار باسشىلارى، مەملەكەتتىك ورگاندار وكىلدەرى، قوعامدىق پىكىر كوشباسشىلارى. Atameken Business Channel ارناسى  ساراپتامالىق باعدارلامالار شىعاتىن، نارىق بولجامدارى مەن نارىق قوزعالىستارى ساراپتالاتىن، ماماندار پىكىرى مەن ساراپشى باعالارى ايتىلاتىن كاسىبي مىنبەر.