قىتايداعى قانداستارىمىز ءجيى پايدالاناتىن Wechat الەۋمەتتىك جەلىسىندە «شىڭجاڭ» تەليەۆيزياسى تۋرالى ۇندەۋ حات تارالىپ ءجۇر. وندا شىڭجاڭ قازاقتارىنىڭ ءۇندىنىڭ نەمەسە باسقا شەتەلدەردىڭ تەلەسەريالدارىن كورگىسى كەلمەيتىنىن، ولاردىڭ ادام پسيحولوگياسىنا كەرى اسەر ەتەتىنى جازىلعان. ەسەسىنە قازاقستاندا جاسالعان «قارا شاڭىراق»، «باجالار» سياقتى «تاربيەلىك ءمانى زور، رۋحاني مادەنيەتى باي، اسەرلى كينولاردى» كورسەتسە دەگەن ۇسىنىس ايتىلىپتى.
ءيا، بۇل كۇندە قازاق ەلى قىتايدىڭ ەڭ سەنىمدى ستراتەگيالىق ارىپتەسى رەتىندە اتالادى. سونداي-اق، الەمدەگى بار قازاقتىڭ ورتاق وتانى دەگەن ۇلى مىندەتى بار. سوندىقتان شىڭجاڭداعى قانداستارىمىزدىڭ تىلەگىنە ءبىزدىڭ ەل ىقپال ەتە الادى دەپ سەنەمىز.
