ءبىر ارنادا باس رەداكتور كەزىم. ادەتتەگىدەي ءبىرىنشى باسشى كابينەتىنە شاقىردى. «قانات وسى اپتادا پالەنباي باعدارلاماعا كىمدەردى شاقىراسىڭدار؟ قانداي ماسەلە كوتەرەسىڭدەر؟»- دەيدى. - لاتىن ءالىپبيى، يا بولماسا قازاقستاننىڭ وبسە-گە جەتەكشىلىك ەتۋى قانشالىقتى قاجەتتىلىگى جونىندە باعدارلاما تۇسىرەمىز. - دااا،- دەپ ءسال ويلانىپ بارىپ، - مەنىڭ ءبىر تۋىسقانىم اللەرگيادان قۇتىلا الماي ءجۇر. بارماعان جەرى، ەمدەلمەگەن ەمحاناسى جوق. ەم تابا المادى. ءقازىر وسى اللەرگياعا دۋشار بولعاندار كوپ. اللەرگيا تۋرالى جاساساڭدار قايتەدى، - دەدى. - جاقسى، كورەيىك، - دەدىم دە ۇسىنعان تاقىرىبى جونىندە باسقا ءسوز قوزعاعام جوق. سالدەن سوڭ بارىپ: «الگى، انا باعدارلاماعا جۇرگىزۋشى تاپتىڭدار ما؟»-دەدى. ىزدەپ جاتقانىمىزدى، مۇمكىن كاستينگ وتكىزىپ قالاتىنىمىزدى جەتكىزدىم. - قانات، سەن بىلاي ىستە، ورتالىقتاعى ساۋدا ورتالىقتارىنا بارىپ باقىلاساڭ، قازاق پەن نەگردەن تۋعان ءتۇر-تۇرپاتى ەرەكشە جاستار جۇرەدى. سوندايلاردى تاۋىپ الىپ كەلىپ ەفيرگە وتىرعىزۋ كەرەك. كورەرمەنگە وزگەشە جۇرگىزۋشىلەر كەرەك. جاقسى دەگەندەي يشارا ءبىلدىردىم. ول باستىعىممەن بىرگە كوپ جۇمىس جاساي المادىم. ول كىسىنىڭ لاۋازىمى كوتەرىلىپ كەتتى.

قانات تىلەۋحان(Facebook پاراقشاسىنان)