BBC ءجۋرناليسى قىتايدىڭ ۇيعىرلار تۇراتىن سينسزيان ۇيعىر اۆتونوميالى اۋدانىنا بارىپ، ونداعى جاعدايمەن تانىسقان. BBC جۋرناليستەرى تۇسىرگەن ۆيدەودان كوشەدە باقىلاۋدىڭ كۇشتى ەكەنىن بايقاۋعا بولادى. كوشەدە اۆتومات اسىنعان پوليسەيلەر كوپ جۇرەدى. عيماراتتىڭ بارلىعىندا دەرلىك ادامداردى قاتاڭ تەكسەرۋدەن وتكىزىپ كىرگىزەدى. 

قىتايدىڭ سينسزيان اۋدانىنىڭ تۇرعىندارىنىڭ ءبىرى جۋرناليسكە ونداعى ءومىرى جاقسى ەكەنىن ايتادى. حالىقپەن سۇحباتتاسقىسى كەلگەن ءجۋرناليستى كورگەن پوليسەيلەر بىردەن ءتۇسىرىلىم توبىن قورشاۋعا الىپ، قۇجاتتارىن تەكسەرىپ، تۇرعىندارمەن سويلەسۋگە مۇرشا بەرمەدى. 

ءابدۋراحمان حاسان جۇڭگو پوليسياسىنىڭ قۋدالاۋىنان كەيىن تۇركياعا قاشىپ كەلگەن. اناسى، ايەلى مەن بالالارىن ۇستاپ اكەتكەن. ءابدۋراحمان حاسان "ءبىزدىڭ بار كىنامىز ۇيعىر بولعانىمىز" دەيدى. ول وتباسى ءتىرى نە ءولى ەكەنىن بىلمەيدى. 

جۇڭگو بيلىگى مۇسىلماندار كوپ شوعىرلاعان اۋداندى قاتاڭ باقىلاۋدا ۇستاۋ ارقىلى تەرروريزمنىڭ الدىن الامىز دەگەندى ايتادى.