تانىمال ادامداردىڭ جەكە ءومىرى حالىق نازارىنان تىس قالمايدى. قانشا جاسىرامىن دەپ تالپىنسا دا، كوپشىلىكتىڭ كوز الدىندا جۇرگەن سوڭ شىندىقتىڭ بەتى اشىلاتىنى بەلگىلى. ءبىراق ءبىزدىڭ ايتپاعىمىز بۇل ەمەس. ەلىمىزدە جالعىزباستى انالاردىڭ سانى كۇننەن-كۇنگە كوبەيىپ كەلەدى. قوعامداعى جالپى احۋال شوۋ-بيزنەس وكىلدەرىنە دە ءتان. شىعارماشىلىقپەن اينالىسىپ، بالالارىن باعىپ-قاعىپ، ەكى جاققا بىردەي ۇلگەرەتىن انالار كىمدەر؟ ولاردىڭ ءتىزىمىن Qamshy.kz اقپارات اگەنتتىگى وقىرمان نازارىنا ۇسىنادى. 

ءمولدىر اۋەلبەكوۆا

«كەش You» ارقىلى تانىلعان ءمولدىر اۋەلبەكوۆا 2015 جىلى ارىستان ەسىمدى جىگىتكە تۇرمىسقا شىعىپ، ءبىر ۇلدىڭ اناسى اتاندى. ءبىراق كوپ ۇزاماي ولاردىڭ اجىراسىپ كەتكەنى تۋرالى سىبىس تارادى. ءمولدىر ءوزىنىڭ ينستاگرام پاراقشاسىنداعى كۇيەۋىنىڭ سۋرەتتەرىن ءوشىرىپ تاستاعان جانە ۇلىنىڭ اكەسى استانادا تۇرسا دا، ءوزى الماتىعا قايتىپ كەلگەن. سول سەبەپتى ونى جالعىزباستى انالار تىزىمىنە قوستىق.

اقبوتا سەيتماعامبەت

بايان الاگوزوۆانىڭ تاعى ءبىر شاكىرتى اقبوتا سەيتماعامبەت اكتەر داۋرەن ايدارقۇلوۆقا ۇل تاۋىپ بەرگەن بولاتىن. ولار العاشىندا وزدەرىنىڭ قارىم-قاتىناسىن حالىقتان جاسىرۋعا تىرىستى. الايدا الەۋمەتتىك جەلى ارقىلى ءبارى دە اشكەرەلەندى. ولار شاريعات جولىمەن نەكەلەرىن قيدىرعان ەدى. ءقازىر اقبوتا بەن داۋرەن اجىراسقاندارىن مالىمدەدى. اقبوتا سەيتماعامبەت سوڭعى ۋاقىتتا شىعارماشىلىعىنا كوبىرەك كوڭىل ءبولىپ ءجۇر.

جاننا ابۋوۆا

وتاندىق پروديۋسەر جاننا ابۋوۆانىڭ ءيمانالى ەسىمدى ۇلى بار. ول دا جالعىزباستى انالاردىڭ قاتارىندا. ول ەلىمىزدەگى تانىمال انشىگە ۇل تۋىپ بەرگەنىن «ۇيات ەمەس» باعدارلاماسىندا ايتتى. حالىقتىڭ سۇيىكتى ءانشىسى مەن جاننا ابۋوۆا مەشىتتە نەكە قيدىرعان. كەيىن جاننا بالانى دۇنيەگە اكەلگەن سوڭ ولاردىڭ ارا قاتىناسى ۇزىلگەن. الايدا ونىڭ ۇلى اكەسىنىڭ كىم ەكەنىن بىلمەيدى، ارالاسپايدى.

ەركە ەسماحان

اندەرى ۇنەمى رەيتينگ جينايتىن قازاقتىڭ ەركە ءانشىسى ەركە ەسماحان دا ازىرگە جالعىزباستى انا ەسەبىندە. بىرنەشە جىل بۇرىن ەركە ەسماحان مەن تانىمال جۋرناليست اسحات سادىرباي وتاۋ قۇرعان ەدى. الايدا اراعا از ۋاقىت سالىپ ەكەۋى اجىراسقاندارىن مويىندادى. ءقازىر ەركە ەسماحاننىڭ  ءبىر ۇلى بار. تانىمال ءانشىنىڭ جىگىتى تۋرالى ءتۇرلى قاۋەسەت ايتىلادى. سوڭعى كەزدەرى الەۋمەتتىك جەلىدە ەركە ەسماحان اكتەر ءالي بايجۇماتپەن بىرگە تۇسكەن سۋرەتتەرىن ءجيى جاريالايدى. كوپشىلىكتىڭ پىكىرىنشە، ولار كوڭىل جاراستىرىپ جۇرگەنگە ۇقسايدى. 

التىناي جورابايەۆا

تانىمال ءانشى، ق ر ەڭبەك سىڭىرگەن قايراتكەرى التىناي جورابايەۆا ءتورت قىز تاربيەلەپ وتىر. ول بىرنەشە جىل بۇرىن ءسابيت ابدىحالىقوۆپەن نەكەدە تۇرعان. كەيىن التىناي جورابايەۆا ءوزىنىڭ سابيتپەن اجىراسقانىن الەۋمەتتىك جەلىدەگى پاراقشاسىنا جاريالادى.

روزا رىمبايەۆا

قازاقستاننىڭ حالىق ءارتىسى روزا رىمبايەۆانىڭ ءالي وقاپوۆ جانە ءمادي رىمبايەۆ ەسىمدى ەكى ۇلى بار. كۇيەۋى تاسقىن وقاپوۆ 1999 جىلى قايتىس بولعان. ءقازىر ءالي مەن ءمادي اكە-شەشەسىنىڭ جولىن قۋىپ، شىعارماشىلىقپەن اينالىسىپ ءجۇر.

ايگۇل يمانبايەۆا

تانىمال اكتريسا ايگۇل يمانبايەۆانىڭ اسىلجان ابدىمۇتالييەۆ اتتى ۇلى بار. ونىڭ بۇرىنعى كۇيەۋى – ءسابيت ءابدىحالىقوۆ. ايگۇل يمانبايەۆا ۇلىنا ەسەيگەنگە دەيىن اكەسى تۋرالى ءتىس جارماعان. ەرجەتكەن كەزدە عانا وعان اكەسىنىڭ كىم ەكەنىن ايتىپ بەرگەن. ءقازىر تانىمال اكتريسانىڭ «Ai-studio» اتتى جەكەمەنشىك مەكتەبى بار.

تامارا اسار

حالىقتىڭ سۇيىكتىسى تامارا اسار دا – جالعىز ۇلدىڭ اناسى. ونىڭ بۇرىنعى جۇبايىنىڭ ەسىمى سامات وراق، ۇلىنىڭ ەسىمى قامبار.

ايگۇل مۇكەي

تانىمال تەلەجۇرگىزۋشى ايگۇل مۇكەيدىڭ ءاسانالى ەسىمدى جالعىز ۇلى بار. ءبىراز ۋاقىت دەنساۋلىعىنا بايلانىستى بالا كوتەرە الماعان ايگۇل مۇكەي جالعىز ۇلىن جاساندى ۇرىقتاندىرۋ ارقىلى دۇنيەگە اكەلگەنىن مويىندادى. سونىمەن بىرگە ۇلىنىڭ اكەسى بارىن، بولاشاقتا وتباسىن قۇرۋى مۇمكىن ەكەنىن دە ايتىپ ءوتتى.