سينوپتيكتەر 8-10 اقپان ارالىعىندا اۋا رايىنىڭ جاۋىن-شاشىنسىز بولاتىنىن مالىمدەدى. ال 10 اقپاننان كەيىن رەسپۋبليكانىڭ كەي وڭىرلەرىندە قار جاۋىپ، بوران سوعادى.
"قازگيدرومەت" رمك حابارلاۋىنشا، رەسپۋبليكاداعى اۋا رايىنا اسەر ەتكەن انتيسيكلون باتىس سىبىرگە قاراي باياۋ ىعىسۋدا، ونىمەن بىرگە ايازدىڭ دا بەتى قايتا باستادى. ونىڭ ورنىنا قازاقستاننىڭ سولتۇستىك-باتىس اۋداندارى بيىك سيكلوننىڭ ىقپالىندا بولادى.
«سوندىقتان الداعى ەكى تاۋلىكتە رەسپۋبليكانىڭ باسىم اۋماعىندا اۋا رايى جاۋىن-شاشىنسىز بولادى. 10 اقپاندا جاعداي وزگەرەدى، سولتۇستىك-باتىس، سولتۇستىك جانە ورتالىق وبلىستاردا قار جاۋىپ، بوران سوعادى، جەلدىڭ جىلدامدىعى 15-20 م/س بارادى»، — دەلىنگەن حابارلامادا.
پىكىر قالدىرۋ