مەن - قازاقپىن، ەسكەرتەم،
بىزدەي ەمەس ەش مەكەن.
جەرىمىزدە بىرنەشە،
وزگە ۇلتتار ءجۇر نەشە؟
تارتىپ ءجۇرسىن تابانىن،
تاريحىمدى بىلمەسە.
تۇرىكتەرگە ەسكەرتەم،
بىزدەي ەمەس ەش مەكەن.
ءبىلىپ ءجۇرسىن ءبىراقتا،
التىن سىرعا قۇلاققا.
بۇل قازاقتى باسىنعان،
جەتە قويماس مۇراتقا!
قىتايلارعا ەسكەرتەم،
بىزدەي ەمەس ەش مەكەن.
ءوز يلەۋىن يلەسىن،
قىزىمىزعا تيمەسىن.
ازاماتتىق الام دەپ،
بەتكە ماسكا كيمەسىن!
اعىلشىنعا ەسكەرتەم،
بىزدەي ەمەس ەش مەكەن.
ۇقسىن ءتىپتى ۇقپاسىن،
مۇرىندارىن تىقپاسىن.
قازاق قانا ۇستايدى،
بۇل وتاننىڭ تۇتقاسىن!
ۇيعىرلارعا ەسكەرتەم،
بىزدەي ەمەس ەش مەكەن.
پىسىق سولار كوبىنە،
شىعىپ العان تورىمە.
تىنىش جورتقان تۇزدەگى،
تيىسپەسىن بورىگە!
ارابتارعا ەسكەرتەم،
بىزدەي ەمەس ەش مەكەن.
كورسەتكەن سوڭ توبەسىن،
مۇسىلمان دەپ سەنەسىڭ.
قازاقتاردى دوللارمەن،
اراب قىلام دەمەسىن!
كارىستەرگە ەسكەرتەم،
بىزدەي ەمەس ەش مەكەن.
قازا بەرمەي كەنىمدى،
ءىس جاساسىن سەنىمدى.
كەندى ساتىپ العانمەن،
ساتىپ الماس ەلىمدى!
ورىستارعا ەسكەرتەم،
بىزدەي ەمەس ەش مەكەن.
كورشى بولسا كوكتەسىن،
ىرگەمىزدى سوكپەسىن.
بۇعاۋىمدا بولدى دەپ،
بۇعانامنان تەپپەسىن!
وزبەكتەرگە ەسكەرتەم،
بىزدەي ەمەس ەش مەكەن.
بۇرساداعى ات باسىن،
ءبارىن ەستە ساقتاسىن.
جەمىسىمدى ساتسا دا،
كەلىسىمدى ساتپاسىن.
قىرعىزدارعا ەسكەرتەم،
بىزدەي ەمەس ەش مەكەن.
ەلدىڭ بۇرعان نازارىن،
بيزنەسى بازارىم.
ءبىراق ءاربىر بازاردىڭ،
قوجايىنى قازاعىم!
بارىنە دە ەسكەرتەم،
بىزدەي ەمەس ەش مەكەن.
قوناقجايمىز، اڭعالمىز،
كوكبورىمىز، تارلانبىز.
دۇشپاندى دا دوس كورەر،
دوسقا ادال جاندارمىز!
ەڭ سوڭعى رەت ەسكەرتەم،
بىزدەي ەمەس ەش مەكەن.
مەيلى، كەزىپ الەم كور،
قۇشاق اشپاس بار ەلدەر.
قانداي قازاق كورسەڭ دە،
اتتان ءتۇسىپ سالەم بەر.
سوندا قازاق ساعان دا،
قازاقتىعىن دالەلدەر!
سايات ابەنوۆ
پىكىر قالدىرۋ