جەڭىستىڭ 70 جىلدىعى قارساڭىندا رەسەي دۋماسىنىڭ جوعارعى كەڭەسىندەرەپاراسيالىق شىعىن مولشەرىن ەسەپتەيتىن ارنايى كوميسسيا قۇرىلدى دەپ مالىمدەمە جاسادى دۋما دەپۋتاتى، لدپر فراكسياسى مۇشەسى ميحايل دەگتياروۆ.

ۇوس كەزىندەگى فاشيستىك گەرمانيا تاراپىنان بۇرىنعى كەڭەس وكىمەتىنە كەلتىرىلگەن رەپاراسيا ياعني، جەڭىلگەن مەملەكەتتىڭ جەڭگەن مەملەكەتكە سوعىس شىعىنىن تولىق نەمەسە ءبولىپ تولەۋ شىعىنى ءالى كۇنگە تولەنبەگەن.

بالتىق ەلدەرى كەلىسىمى بويىنشا قاندى جىلدارى كەڭەس اسكەرلەرى نەمىس اكتيۆتەرىنەن (جيھاز، زاۋىتتىق تەحنيكالار مەن كيىم-كەشەك) يەمدەنگەن. گدر مەن رەسەي اراسىنداعى مەملەكەتارالىق باييلانىس نىعايىپ، رەپاراسيا كۇشىن جويعان. ال قازىرگى جاعدايدا باتىس ەلدەرى تاراپىنان، سونىڭ ىشىندە نەمىس كانسلەرى ا.مەركەلدىڭ رەسەيگە، ەۋرازيالىق وداققا قارسى باعىتتالعان سانكسيالارى تولاستار ەمەس. بۇل ەكى ەلدىڭ اراسىنا تۇسكەن سىزات بۇرىنعى جارانىڭ بەتىن تىرناعانمەن بىردەي دەيدى م.دەگتياروۆ.

دەپۋتات گەرمانيا تاراپىنان بۇرىنعى كەڭەس وكىمەتىنىڭ وكىل-مۇراگەرى رەتىندە رەسەيگە تولەنەتىن رەپاراسيا شىعىنىنىڭ كولەمى 3-4 ترلن ەۆرودان كەم بولماۋى ءتيىس دەپ كورسەتكەن.

حالىقارالىق ساراپشىلار ارادا 70 جىل وتكەندە رەپاراسيا شىعىنىن تولەتۋ الۋ اقىلعا سىيىمسىز. بۇل تەك مەملەكەتارالىق كەلىممەن عانا جۇزەگە اسۋى مۇمكىن دەگەن پىكىردە.

ال، نەمىس كانسلەرى ا.مەركەل ەشقانداي دا رەپاراسيا شىعىنى تۋرالى ءسوز قوزعالۋى مۇمكىن ەمەس. قوزعالعان جاعدايدا دا ءبىز تولەمەيمىز دەيدى.

ەگەر رەسەيلىك شەنەۋنىكتەر تاراپىنان قويىلعان تالاپتى حالىقارالىق ۇيىم ماقۇلدايتىن بولسا، جوعارىداعى كورسەتىلگەن شىعىنپۇلدىڭ ىشىندە قازاقستاننىڭ دا ۇلەسى بار ەكەنى انىق. سوعىس جىلدارى كەڭەستىك مايدانعا قازاقستاننان 1 196 164 ادام اتتانعان بولسا، سولاردىڭ تەڭ جارتىسى وپات بولعان. مايداندا ەرلىكپەن قازا تاپقانداردىڭ 430 مىڭىنىڭ سۇيەگى دالادا قالعان. سول ءبىر زۇلماتتى جىلدارى مايدانعا اتىلعان ءار 9-وق قازاقستاندا جاسالعان. ەندەشە تولەنۋى مۇمكىن 4 ترلن. ەۆرودان قازاقستاننىڭ دا ۇلەسى بولۋى ءتيىس دەۋگە نەگىز بار.

نۇرگەلدى ءابدىعاني ۇلى